03:17 20 հոկտեմբերի 2020
Ուղիղ եթեր
  • USD492.40
  • GBP640.27
  • EUR578.91
  • RUB6.34
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1363)
213510

Հետևանքների ամբողջ պատասխանատվությունը կրելու է պաշտոնական Բաքվի ռազմաքաղաքական պարտված ղեկավարությունը։

ԵՐԵՎԱՆ, 4 հոկտեմբերի – Sputnik. Արցախը հայտարարում է, որ վերջին օրերին ստեղծված իրավիճակը լեգիտիմ իրավունք է տալիս մարտական գործողությունները տեղափոխել Ադրբեջանի տարածք։ Facebook–ի իր էջում նման հայտարարություն է արել Արցախի Հանրապետության մամուլի խոսնակ Վահրամ Պողոսյանը։

Նա նշել է` Արցախն այս օրերին, առանց չափազանցության, ներքաշվել է միջազգային ահաբեկչության դեմ պայքարի մեջ:  Նրա խոսքով` այս պնդումը միայն փորձագիտական մակարդակով արված հիմնավորումներով չի սահմանափակվում:

«Նախ՝ պատերազմ հայտարարելով Արցախին՝ Ադրբեջանը փաստացի հրաժարվեց ԵԱՀԿ Մինսկի խմբի համանախագահող երեք երկրների (որոնք աշխարհի տարբեր ուժային բևեռներն են ներկայացնում) հովանու ներքո ընթացող խաղաղ բանակցությունների միջոցով հիմնախնդիրը կարգավորելու ճանապարհից և ընտրեց հարցը ուժային կամ ռազմական տարբերակով լուծելու ծայրահեղ մոտեցումը»,– գրել է Պողոսյանը ու շարունակել թվարկել մյուս պատճառները:

Մասնավորապես,  Ադրբեջանը պատերազմը սկսելու առաջին օրվանից թիրախավորել է խաղաղ բնակավայրերը՝ կիրառելով այնպիսի զինատեսակներ, որոնք արգելված են միջազգային տարբեր կոնվենցիաներով:

Բացի այդ, Արցախի դեմ լայնամասշտաբ պատերազմում Ադրբեջանը ներգրավել է վարձկան-ահաբեկիչների։

«Սա նշանակում է, որ ստեղծված իրավիճակը լեգիտիմ իրավունք է վերապահում մեզ հետագա գործողությունները տեղափոխելու Ադրբեջանի ողջ տարածք՝ ահաբեկչական խմբավորումներից այն մաքրելու համար»,– գրել է Պողոսյանն ու հավելել` մեր պայքարն արդար է։ Նա վստահություն է հայտնել, որ առաջիկա զարգացումները լինելու են մեր օգտին: Նա ևս մեկ անգամ զգուշացրել է` հետևանքների ամբողջ պատասխանատվությունը կրելու է պաշտոնական Բաքվի ռազմաքաղաքական պարտված ղեկավարությունը՝ Ալիև ընտանիքի գլխավորությամբ:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 4-ի ժ. 21։00-ի դրությամբ` հակառակորդի կրակոցների հետևանքով զոհվել են 202 զինծառայողներ և 8 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3154 զոհ ունի, ավելի քան 5000 վիրավոր։ 

Ըստ վերջին տվյալների ՝ Ադրբեջանի զինված ուժերը կորցրել են 17 ինքնաթիռ, 14 ուղղաթիռ, 124 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 368 տանկ և ՀՄՄ:

Առաջնագծում գտնվող տղաներն անում են անհնարինը. տեսանյութ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հայացք թաքստոցից․ մահվան աչքերին նայած արցախցիները․ լուսանկարներ

թեմա:
Ադրբեջանական ագրեսիան Արցախում - 2020 (1363)

Ըստ թեմայի

Ադրբեջանը միայն այսօր մոտ 400 զոհ ունի. Արծրուն Հովհաննիսյանը` Ալիևի մասին
Ստեփանակերտի հրետակոծության նոր կադրերը. տեսանյութ
Օրվա կադր. «Ու այս ազգին ուզում են հաղթե՞լ»
ՊԲ–ն ոչնչացնում է ադրբեջանցի զինվորներին տեղափոխող մեքենաները. տեսանյութ
թեգերը:
Վահրամ Պողոսյան, Ադրբեջան, Արցախ

Գլխավոր թեմաներ