ԵՐԵՎԱՆ, 5 հոկտեմբերի - Sputnik. Ադրբեջանական կողմի լուրերը, թե ՀՀ որոշ շրջաններից են հրթիռակոծվում ադրբեջանական նշանակետերը, չեն համապատասծխանում իրականությանը։ Լրագրողների հետ ճեպազրույցի ժամանակ ասաց ՀՀ ՊՆ ներկայացուցիչ Արծրուն Հովհաննիսյանը` ի պատասխան ադրբեջանական կայքերի տարածած տեսանյութի, որտեղ իբրև թե երևում է, որ ՀՀ տարածքից է հրթիռակոծվում Ադրբեջանը։
«Դա լիովին ապատեղեկատվություն է, իսկ տեսանյութը, որը տարածել են, որևէ բան չի ապացուցում։ Դեռ հարց է` հայաստանյան հատվածի՞ց է, Արցախի՞ց, թե որևէ մեկ այլ պատերազմից»,–ասաց Հովհաննիսյանը։
Նրա խոսքով` ուշագրավ է այն հանգամանքը, որ ադրբեջանցիները հաճախ Արցախի որոշ շրջաններ ճանաչում են որպես Հայաստանի մաս։
Անդրադառնալով Ստեփանակերտի հրթիռակոծման դեպքերին` Հովհաննիսյանը հայտնեց, որ մայրաքաղաքի հրթիռակոծման ժամանակ կիրառվում են «Սմերչ», «Պոլոնեզ», թուրքական «Կասիրգա»։
Հիշեցնենք, որ երեկ էլ, երբ Արցախի ՊՆ–ն հրթիռակոծել էր Գյանջայի ռազմական օդանավակայանը, ադրբեջաբնական կողմը հայտարարել էր, որ Հայաստանի կողմից էր այն հրթիռակոծվել։ Սա, ըստ Ադրբեջւանի, ընդլայնում է մարտական գործողությունների տարածքը։ ՀՀ ՊՆ–ն, սակայն, հերքեց այդ լուրերը։
Սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 4-ի ժ. 21։00-ի դրությամբ` հակառակորդի կրակոցների հետևանքով զոհվել են 202 զինծառայողներ և 8 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3154 զոհ ունի, ավելի քան 5000 վիրավոր։
Ըստ վերջին տվյալների ՝ Ադրբեջանի զինված ուժերը կորցրել են 17 ինքնաթիռ, 14 ուղղաթիռ, 124 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 368 տանկ և ՀՄՄ:
Առաջնագծում գտնվող տղաներն անում են անհնարինը. տեսանյութ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հայացք թաքստոցից․ մահվան աչքերին նայած արցախցիները․ լուսանկարներ
