12:35 28 հոկտեմբերի 2020
Ուղիղ եթեր
  • USD493.18
  • GBP642.22
  • EUR582.25
  • RUB6.44
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1710)
845 0 0

ՀՀ պաշտպանության նախարարության ներկայացուցիչ Արծրուն Հովհաննիսյանը պարբերաբար տեղեկություններ է հրապարակում արցախա–ադրբեջանական շփման գծում ծավալված ռազմական գործողությունների վերաբերյալ։

ԵՐԵՎԱՆ, 5 հոկտեմբերի – Sputnik. Արցախա–ադրբեջանական շփման գծում համառ մարտեր են ընթանում։ Տեղեկությունը Facebook–ի իր էջում հայտնում է ՀՀ ՊՆ ներկայացուցիչ Արծրուն Հովհաննիսյանը։

«Կասեցվում է թշնամու զորքերի առաջխաղացումը»,–գրել է նա։

Ավելի վաղ ֆեյսբուքյան գրառում էր արել Արցախի Հանրապետության նախագահի խոսնակ Վահրամ Պողոսյանը։ 

«Ավելորդ շահարկումներից խուսափելու համար նշեմ, որ առաջնագծի որոշ ուղղություններում մարտավարական նպատակով պաշտպանության բանակը ետ է քաշել զորքերը, որպեսզի խուսափի ավելորդ զոհերից և ավելի մեծ վնասներ հասցնի թշնամու զորքերին»,– գրել էր նա։

ԱՀ նախագահի խոսնակը նաև հայտնել էր, որ բանակի հրամանատարությունը շարունակում է արհեստավարժ կերպով վարել մարտերը, և հեռու չէ այն օրը, երբ կտեսնենք, թե ինչպես է թշնամու կազմալուծված բանակը խուճապահար նահանջում։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 5-ի ժ. 13։00-ի դրությամբ` հակառակորդի կրակոցների հետևանքով զոհվել են 223 զինծառայողներ և 18 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3154 զոհ ունի, ավելի քան 5000 վիրավոր։ 

Ըստ վերջին տվյալների ՝ Ադրբեջանի զինված ուժերը կորցրել են 17 ինքնաթիռ, 14 ուղղաթիռ, 124 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 368 տանկ և ՀՄՄ:

Առաջնագծում գտնվող տղաներն անում են անհնարինը. տեսանյութ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հայացք թաքստոցից․ մահվան աչքերին նայած արցախցիները․ լուսանկարներ

թեմա:
Ադրբեջանական ագրեսիան Արցախում - 2020 (1710)

Ըստ թեմայի

Ստեփանակերտում կան քաղաքացիական տուժածներ. Արծրուն Հովհաննիսյան
Գորիս–Լաչին ճանապարհի հետ խնդիր չկա. Արծրուն Հովհաննիսյան
Ադրբեջանի ինքնաթիռներում կատապուլտն անջատվա՞ծ է. Արծրուն Հովհաննիսյանի ուշագրավ դիտարկումը
թեգերը:
թշնամի, Ադրբեջան, Արցախ, Արծրուն Հովհաննիսյան

Գլխավոր թեմաներ