16:15 24 հոկտեմբերի 2020
Ուղիղ եթեր
  • USD494.01
  • GBP646.41
  • EUR585.25
  • RUB6.47
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1573)
97721

Գործարար Ռուբեն Վարդանյանը ՌԴ նախագահին է դիմել ՌԴ–ում բնակվող 3 մլն հայերի անունից և հիշեցրել` նրանք այն հայերն են, որոնց մասին Պուտինը բազմիցս հպարտությամբ է արտահայտվել հայ համայնքի հետ հանդիպումների ընթացքում։

ԵՐԵՎԱՆ, 5 հոկտեմբերի – Sputnik. Ռուսաստանաբնակ գործարար, «Ավրորա» մրցանակի համահիմնադիր Ռուբեն Վարդանյանը տեսաուղերձով դիմել է ՌԴ նախագահ Վլադիմիր Պուտինին` հորդորելով միջամտել արցախյան խնդրի կարգավորմանը։

«Ես գիտեմ, որ որպես առաջնորդ Դուք շատ բան կարող եք անել։ Հատկապես այսօր Ձեր մասնակցությունը, Ձեր վերաբերմունքն այս ամենին, կարող է որոշիչ լինել։ Ես չգիտեմ, թե ինչ տեղեկություններ եք Դուք ստանում, ով ինչ է Ձեզ խորհուրդ տալիս, բայց ես ուզում եմ Ձեզ դիմել ՌԴ–ում բնակվող 3 մլն հայերի անունից, այն հայերի, որոնց մասին Դուք բազմիցս հպարտությամբ եք արտահայտվել հայ համայնքի հետ հանդիպումների ընթացքում»,– ասում է Վարդանյանը։

Նա նաև հավատացնում է, որ ղարաբաղյան պատերազմը չճանաչված պետության տարածքային վեճ չէ, Հայաստանի ու Ադրբեջանի ազգամիջյան կռիվ չէ։ Նրա բնորոշմամբ`ամեն ինչ ավելի քան լուրջ է։

«Ես ուզում եմ, որ Ռուսաստանը ոչ միայն օգնի, այլև հասկանա, որ այս գործընթացին իր մասնակցությունը կարևոր է ոչ թե հայերի ու Հայաստանի, այլ ողջ Ռուսաստանի ժողովրդի համար։ Որովհետև Ղարաբաղի լոկալ կոնֆլիկտը դանդաղ գործողության աշխարհաքաղաքական ռումբ է, որը պայթելու է ու, ցավոք, պայթելու է նախևառաջ Ռուսաստանում»,– ասում է գործարարը։

Վարդանյանն իր խոսքն ուղղում է նաև ՌԴ ռազմաքաղաքական ղեկավարությանը` հիշեցնելով, որ նրանք զինվորական երդում են տվել։

«Ես վստահ եմ` ձեր մեջ շատ են մարդիկ, որոնք ուզում են Ռուսաստանը հզոր տեսնել։ Բայց Ռուսաստանը հզոր կլինի միայն այն դեպքում, եթե ունենա հզոր ու ուժեղ գործընկերներ։ Մի վերացրեք ձեր վերջին գործընկերներին, այնպես արեք` ոչ ոք չկասկածի, որ Ռուսաստանի հետ կարելի է լինել հզոր ու ուժեղ և ոչ թե թույլ ու նվաստացած»,–ՌԴ ռազմաքաղաքական ղեկավարությանը կոչ է անում Վարդանյանը։

Գործարարը դիմում է նաև ՌԴ մտավորականներին` նշելով, որ 1988-ին մեծ թվով ռուսաստանցի գործիչներ կանգնեցին Հայաստանի կողքին։ Հայաստանը հաղթանակող դուրս եկավ իր հայրենի հողի համար մղած ազատամարտում։ Ադրբեջանին չհաջողվեց ջնջել հայերի հետքը ղարաբաղյան հողից, չհաջողվեց հողին հավասարեցնել հայկական պատմական հուշարձանները։

«Հարգելի ռուսաստանցիներ, հասկացեք, դա Ռուսաստանից դուրս ինչ–որ փոքրիկ տարածքի խնդիր չէ, այլ մարդկային հիմնարար արժեքների նկատմամբ վերաբերմունքի»,– ասում է Վարդանյանը` շեշտելով, որ մարդկության համար ամենավտանգավորը ոչ այնքան թշնամանքն է, որքան անտարբերությունը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 5-ի ժ. 13։00-ի դրությամբ` հակառակորդի կրակոցների հետևանքով զոհվել են 223 զինծառայողներ և 18 քաղաքացիական անձինք։ Հայկական կողմը շուրջ 200 վիրավոր ունի։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3154 զոհ ունի, ավելի քան 5000 վիրավոր։ 

Ըստ վերջին տվյալների ՝ Ադրբեջանի զինված ուժերը կորցրել են 17 ինքնաթիռ, 14 ուղղաթիռ, 124 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 368 տանկ և ՀՄՄ:

Առաջնագծում գտնվող տղաներն անում են անհնարինը. տեսանյութ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հայացք թաքստոցից․ մահվան աչքերին նայած արցախցիները․ լուսանկարներ

թեմա:
Ադրբեջանական ագրեսիան Արցախում - 2020 (1573)

Ըստ թեմայի

Ֆրանսիան ջանքերը մոբիլիզացնում է Լեռնային Ղարաբաղում կրակը դադարեցնելու համար
Ինչու ՀՀ–ն չէր կարող «Սմերչով» հարվածել Մինգեչաուրին. մասնագետը փաստեր է ներկայացնում
Կասեցվում է թշնամու զորքերի առաջխաղացումը. Արծրուն Հովհաննիսյան
թեգերը:
հայեր, Ռուսաստան, Վլադիմիր Պուտին, Ռուբեն Վարդանյան

Գլխավոր թեմաներ