16:17 24 հոկտեմբերի 2020
Ուղիղ եթեր
  • USD494.01
  • GBP646.41
  • EUR585.25
  • RUB6.47
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1573)
61110

Գիշերվա ընթացքում հրթիռակոծվել է մայրքաղաք Ստեփանակերտը, իսկ առավոտյան առաջնագծի հյուսիսային և հարավային ուղղություններում մարտական գործողությունները վերսկսվել են։

ԵՐԵՎԱՆ, 8 հոկտեմբերի – Sputnik. Հարավային ուղղությամբ րոպեներ առաջ հակառակորդի երկու ԱԹՍ խոցվեց։ Տեղեկությունը Facebook-ի իր էջում հայտնել է ՀՀ ՊՆ մամուլի խոսնակ Շուշան Ստեփանյանը։

Նշենք, որ գիշերվա ընթացքում հրթիռակոծվել է մայրքաղաք Ստեփանակերտը, իսկ առավոտյան առաջնագծի հյուսիսային և հարավային ուղղություններում մարտական գործողությունները վերսկսվել են:

Շուշան Ստեփանյանը նաև տեղեկացրել էր, որ վաղ առավոտյան, ժամը 08:30-ի շրջանում, հարավային ուղղությամբ հակառակորդը կենտրոնացման շրջանից գրոհի փորձ էր ձեռնարկել, սակայն, կորցնելով երեք միավոր ռազմական տեխնիկա և տալով ավելի քան քսան զոհ ու վիրավոր, Ջեբրայիլի մատույցներից գումարտակի կազմով դիմել էր փախուստի։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 7-ի ժամը 16։00-ի դրությամբ` հակառակորդի կրակոցների հետևանքով զոհվել են 324 զինծառայողներ և 19 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3754 զոհ ունի, ավելի քան 5000 վիրավոր։

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 18 ուղղաթիռ, 128 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 416 տանկ և ՀՄՄ:

Առաջնագծում գտնվող տղաներն անում են անհնարինը. տեսանյութ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հայացք թաքստոցից․ մահվան աչքերին նայած արցախցիները․ լուսանկարներ

թեմա:
Ադրբեջանական ագրեսիան Արցախում - 2020 (1573)

Ըստ թեմայի

«Ամեն ինչ կանեմ, որ ձեր չարչարանքն իզուր չանցնի». Փաշինյանը գիշերով զանգել էր առաջնագիծ
Հեծանիվի անվադողը՝ «ժգուտ», պատկերասրահն էլ՝ տեսակավորման կայան. կամավոր դարձած հայություն
Ուշադիր եղեք. «Հայաստան» համահայկական հիմնադրամի կեղծ էջ է ստեղծվել
թեգերը:
դիրքեր, Ղարաբաղյան հակամարտություն, Լեռնային Ղարաբաղ, Արցախ, անօդաչու թռչող սարք

Գլխավոր թեմաներ