ԵՐԵՎԱՆ, 8 հոկտեմբերի – Sputnik. Հայկական միասնական տեղեկատվական կենտրոնը Facebook–ի իր էջում ներկայացրել է հակառակորդի կորուստների վերաբերյալ վերջին տվյալները։ Հակառակորդն ունի ինչպես մարդկային, այնպես էլ ռազմամթերքի կորուստներ։
Մասնավորապես, ադրբեջանցիներն ունեն 4069 զոհ, իսկ ինչ վերաբերում է ռազմամթերքին, ապա դրանց տվյալներն առավել քան խոսուն են։
Հայկական ստորաբաժանումները ոչնչացրել են հակառակորդի 145 ԱԹՍ, 16 ուղղաթիռ, 17 ինքնաթիռ, 496 զրահատեխնիկա և 4 ՏՕՍ։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 7-ի ժամը 16։00-ի դրությամբ` հակառակորդի կրակոցների հետևանքով զոհվել են 324 զինծառայողներ և 19 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 3754 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 18 ուղղաթիռ, 128 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 416 տանկ և ՀՄՄ:
Առաջնագծում գտնվող տղաներն անում են անհնարինը. տեսանյութ
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։
Հայացք թաքստոցից․ մահվան աչքերին նայած արցախցիները․ լուսանկարներ
