14:48 23 հոկտեմբերի 2020
Ուղիղ եթեր
  • USD494.31
  • GBP647.00
  • EUR584.77
  • RUB6.42
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1516)
1379 0 0

ՀՀ ԱԺ պաշտպանության և անվտանգության հարցերով մշտական հանձնաժողովի նախագահ Անդրանիկ Քոչարյանը չի բացառում փոխզիջումները, բայց միայն այնպիսիք, որնք չեն վտանգի Արցախի ու հարևան երկրների անվտանգությունը:

ԵՐԵՎԱՆ, 8 հոկտեմբերի – Sputnik. Այսպես թե այնպես` կողմերը մի օր նստելու են բանակցային սեղանի շուրջ: Այսօր ԱԺ-ում լրագրողների հետ ճեպազրույցում անդրադառնալով արցախյան խնդրի կարգավորման հնարավոր տարբերակի մասին հարցին, այսպիսի հայտարարություն արեց ՀՀ ԱԺ պաշտպանության և անվտանգության հարցերով մշտական հանձնաժողովի նախագահ Անդրանիկ Քոչարյանը:

«Բայց այդ օրակարգն արդեն լինելու է այնպիսին, որ բավարարի առաջին հերթին Արցախի բնակչության անվտանգությունը: Այսինքն՝ եթե նախկինում խոսքն անվտանգության գոտին ինչ- ինչ ձևաչափերով (կազանյան սկզբունքներ, մադրիդյան սկզբունքներ) կազմակերպելու, ապա այսօր այդ անվտանգության գոտին արդեն բոլորովին այլ արժեք ունի»,- ասաց Քոչարյանը՝ շեշտելով, որ անվտանգության գոտին այսօր արդեն միջազգային նշանակություն է ձեռք բերել՝ հաշվի առնելով այնտեղ Թուրքիայի կողմից ներմուծված ահաբեկչական ուժերի առկայությունը:

Ինչ վերաբերում է Ադրբեջանի նախագահ Ալիևի առաջադրած պահանջին (5 շրջանները հանձնելու մասին), Անդրանիկ Քոչարյանն այն աբսուրդ է համարում:

«Բնականաբար, փոխզիջումներ կարող են լինել, բայց այդ փոխզիջումները չեն կարող հաշվի չառնել ոչ միայն Արցախի բնակչության, այլև հարակից պետությունների անվտանգությունը ևս:

Իր խոսքում Անդրանիկ Քոչարյանը կարևորեց նաև ՌԴ նախագահ Վլադիմիր Պուտինի գնահատականները ՌԴ-ի ու ՀՀ-ի փոխադարձ պարտավորությունների մասին:

ուտինը կոչ է անում շուտափույթ դադարեցնել կրակը Ղարաբաղում

«Վլադիմիր Պուտինի հայտարարությունները շատ կարևոր, շատ զսպող էին, որպեսզի գայթակղություն չունենա պարոն Էրդողանը հրահրելու հակառակորդին իր բալիստիկ հրթիռները կոդավորելու դեպի Հայաստանի տարածք»,- ասաց նա:

Ինչ վերաբերում է Թուրքիայի ձգտմանը՝ ԵԱՀԿ ՄԽ-ում ներգրավվելու, Անդրանիկ Քոչարյանի բնորոշմամբ` Թուրքիան իր պահվածքով արդեն իսկ հերքում է այդ հնարավորությունը:

Փոխարենն Արցախը պետք է ներգրավվի բանակցային պրոցեսում, քանի որ այս պատերազմը հերթական վկայությունն էր այն բանի, որ Արցախը պետք է մասնակցի բանակցային պրոցեսին, այնպես, ինչպես 1994թ-ի զինադադարի պայմանագրին:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 8-ի ժամը 11։00-ի դրությամբ` հակառակորդի կրակոցների հետևանքով զոհվել են 324 զինծառայողներ և 19 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4069 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 145 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 496 տանկ և ՀՄՄ:

Փայլուն օպերացիա Արցախում. ազատագրվել է դիրքերից մեկը, փրկվել 19 զինվորի կյանք

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հեծանիվի անվադողը՝ «ժգուտ», պատկերասրահն էլ՝ տեսակավորման կայան. կամավոր դարձած հայություն

թեմա:
Ադրբեջանական ագրեսիան Արցախում - 2020 (1516)

Ըստ թեմայի

Մերկելը Արցախի խնդիրը քննարկել է Էրդողանի հետ և կոչ արել դադարեցնել կրակը
Հետախուզության տվյալներով` Էրդողանն ահաբեկիչների մասով նոր պայմանավորվածություն ունի
Էրդողանը` բոլորի դեմ. Թուրքիան աշխարհաքաղաքական փորձարկում է անում
թեգերը:
Անդրանիկ Քոչարյան, Հայաստան, Ադրբեջան, Արցախ

Գլխավոր թեմաներ