02:50 20 հոկտեմբերի 2020
Ուղիղ եթեր
  • USD492.40
  • GBP640.27
  • EUR578.91
  • RUB6.34
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1363)
517 0 0

Դմիտրի Պեսկովն ասել է, որ ՌԴ նախագահն ու ՀՀ վարչապետը շարունակում են հեռախոսազրույցներ ունենալ Ղարաբաղյան հակամարտության գոտում տիրող իրավիճակի վերաբերյալ։

ԵՐԵՎԱՆ, 8 հոկտեմբերի - Sputnik. Ռուսաստանի նախագահ Վլադիմիր Պուտինը շարունակելու է կանոնավոր կերպով երկխոսություն վարել ՀՀ վարչապետ Նիկոլ Փաշինյանի հետ Լեռնային Ղարաբաղում տիրող իրավիճակի շուրջ։ ՌԻԱ Նովոստիի փոխանցմամբ՝ այսօր այս մասին ասել է ՌԴ նախագահի մամուլի քարտուղար Դմիտրի Պեսկովը։

Նրա խոսքով՝ Լեռնային Ղարաբաղում տիրող իրավիճակի կարգավորման նպատակով Ռուսաստանը տարբեր մակարդակներով (այդ թվում՝ ամենաբարձր) երկխոսություններ է իրականացնում։

«Երկխոսություններ են շարունակվում ամենատարբեր, այդ թվում՝ բարձրագույն մակարդակներով։ Գիտեք, որ նախագահ Պուտինը կանոնավոր կերպով հեռախոսազրույցներ է ունենում Փաշինյանի հետ։ Այդ երկխոսությունը շարունակվելու է», - ասել է Պեսկովը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Էրդողանը` բոլորի դեմ. Թուրքիան աշխարհաքաղաքական փորձարկում է անում

Հոկտեմբերի 8-ի ժամը 11։00-ի դրությամբ` հակառակորդի կրակոցների հետևանքով զոհվել են 324 զինծառայողներ և 19 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4069 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 145 անօդաչու սարք, 3 ՏՈՍ-1 «Սոլնցեպեկ», 4 «Սմերչ» համազարկային կրակի ռեակտիվ համակարգ, 496 տանկ և ՀՄՄ:

Փայլուն օպերացիա Արցախում. ազատագրվել է դիրքերից մեկը, փրկվել 19 զինվորի կյանք

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։

Հեծանիվի անվադողը՝ «ժգուտ», պատկերասրահն էլ՝ տեսակավորման կայան. կամավոր դարձած հայություն

թեմա:
Ադրբեջանական ագրեսիան Արցախում - 2020 (1363)

Ըստ թեմայի

Պեսկովը մեկնաբանել է Ղարաբաղում սիրիացի ահաբեկիչների մասին Ասադի հայտարարությունը
Ղարաբաղում սիրիացի գրոհայինների ներկայությունը ՌԴ-ի համար խոր մտահոգության առիթ են. Պեսկով
Տեղեկությունը, թե հակամարտությունը դուրս է եկել ԼՂ սահմաններից, չի հաստատվում. Պեսկով
թեգերը:
Դմիտրի Պեսկով, Արցախ, Ղարաբաղյան հակամարտություն, Վլադիմիր Պուտին

Գլխավոր թեմաներ