21:57 22 հոկտեմբերի 2020
Ուղիղ եթեր
  • USD494.31
  • GBP647.00
  • EUR584.77
  • RUB6.42
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1489)
881 0 0

ՀՀ պաշտպանության նախարարության ներկայացուցիչը հայկական զինված ուժերի` որևէ ուղղությամբ հաջողությունների և ձեռքբերումների մասին այս պահին ասել չի կարող։

ԵՐԵՎԱՆ, 8 հոկտեմբերի – Sputnik. Առավոտվանից Ադրբեջանի զինված ուժերը վերսկսել են հարձակողական գործողությունները հյուսիսային և հարավային ուղղություններով։ Հարավային ուղղությամբ հարձակումն ավելի ուժգին է։ Գորիսի տեղեկատվական շտաբում լրագրողների հետ ճեպազրույցի ժամանակ հայտնեց ՀՀ պաշտպանության ներկայացուցիչ Արծրուն Հովհաննիսյանը։

«Հարավային ուղղությամբ ավելի մեծ ուժերով և ավելի սաստիկ հարձակում են նախաձեռնել։ Հայկական զինուժը պատասխան կրակով ոչնչացրել է զգալի թվով կենդանի ուժ, զրահատեխնիկա, այլ միջոցներ` հակառակորդին հետ շպրտելով ելման բնագծերը»,– ասաց Հովհաննիսյանը` հավելելով, որ նման մանր փորձեր այլ ուղղություններով էլ են եղել։

Նրա խոսքով` այս պահին էլ ընթանում են համառ մարտեր։ Հայկական զինված ուժերի` որևէ ուղղությամբ հաջողությունների և ձեռքբերումների մասին նշել այս պահին չի կարող։ Մարտերն ընթանում են թե՛ գիշերը, թե՛ ցերեկը։

Պատասխանելով ռուս լրագրողի այն հարցին, թե արդյոք Սուրբ Ղազանչեցոց եկեղեցու հրթիռակոծությունից հետո հայկական զինուժի կողմից համարժեք պատասխան լինելո՞ւ է` Արծրուն Հովհաննիսյանը նշեց` եթե խոսքը վերաբերում է մշակութային որևէ օբյեկտ հարվածելուն, ապա, իհարկե, ոչ։

Հովհաննիսյանը հիշեցրեց` Արցախյան ազատամարտի ժամանակ Ստեփանակերտի վրա 21 հազար արկ է նետվել, և դրանք պահվել են Սուրբ Ղազանչեցոց եկեղեցում։ Եկեղեցու բակում դրված էր «Գրադը», ու հենց այդտեղից էին հրետակոծում Ստեփանակերտը։ Ադրբեջանցիները լավ գիտեն` հայերի ձեռագիրն այդպիսին չէ, մենք չենք կարող մշակութային կամ հոգևոր կառույցի հարված հասցնել։

Նրա խոսքով` Սուրբ Ղազանչեցոցի հրթիռակոծությունը երկու պատճառ ունի։ Առաջին հերթին դա ադրբեջանական պարտությունների հուսահատության հետևանք է։ Երկրորդը, նրա խոսքով, մեր սրբավայրերը միշտ են թիրախավորվում` անկախ նրանից, թե որտեղ են գտվում։

«Կլինի դա հրետանային հարված, պայթեցում, թե մուրճով ջարդել»,– ասաց Հովհաննիսյանը։

ՀՀ պաշտպանության նախարարության ներկայացուցիչը տեղեկացրեց, որ Շուշին, Ստեփանակերտը, Հադրութն ու Մարտունին հարվածների են ենթարկվում հրթիռային տարբեր միջոցներից` «Սմերչ», «Կասիրգա», «LAR 160» համակարգեր, երբեմն` իսրայելական LORA բալիստիկ հրթիռներ:

Հիշեցնենք` Ադրբեջանն այսօր առավոտյան հրթիռակոծել էր Շուշիի Սուրբ Ղազանչեցող եկեղեցին, այդ պահին ներսում երեխաներ էին եղել։ Բարեբախտաբար, ոչ ոք չէր տուժել։

Դրանից հետո հրթիռակոծության հետևանքները լուսաբանելու համար եկեղեցի էին գնացել Արցախում աշխատող տեղական ու միջազգային լրատվամիջոցները:

Ադրբեջանական զինված ուժերը կրկին հրթիռակոծել էին եկեղեցին, և լրագրողները վնասվածքներ էին ստացել այդ հարվածներից։

Արցախի հրետակոծված շենքերի բնակիչները պատերազմի ավարտից հետո պետական փոխհատուցում կստանան

թեմա:
Ադրբեջանական ագրեսիան Արցախում - 2020 (1489)

Ըստ թեմայի

Ավերված տներ, կոտրված ապակիներ. Ստեփանակերտը` գիշերային հրթիռակոծությունից հետո. տեսանյութ
Ղազանչեցոցի հրթիռակոծումը ծայրահեղ կրոնական անհանդուրժողականություն է. Մայր Աթոռ
Անանյանը ռազմական գաղտնիք պարունակող փաստաթղթեր է բերել. հերոսները պարգևատրվում են
թեգերը:
Արծրուն Հովհաննիսյան, Ադրբեջան, Արցախ

Գլխավոր թեմաներ