15:47 24 հոկտեմբերի 2020
Ուղիղ եթեր
  • USD494.01
  • GBP646.41
  • EUR585.25
  • RUB6.47
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1573)
440 0 0

Բժիշկներն Արցախում վիրավորված ռուս լրագրող Յուրի Պետրովիչ Կոտենոկի վիճակը գնահատում են կայուն ծանր։

ԵՐԵՎԱՆ, 9 հոկտեմբերի – Sputnik. Շուշիում Սուրբ Ղազանչեցոց եկեղեցու հրթիռակոծության հետևանքով ծանր վիրավորված ռուս լրագրող Յուրի Պետրովիչ Կոտենոկին Ստեփանակերտից շտապօգնության մեքենայով տեղափոխել են Գորիս, ապա կհասցնեն Երևան: Տեղեկությունը հայտնում է Արցախում գտնվող Sputnik Արմենիայի թղթակիցը։

Նրա խոսքով՝ Յուրի Կոտենոկին բժիշկներն արհեստական կոմայից չեն հանել, քանի որ այդպես ավելի հեշտ է հիվանդին տեղափոխել։

Լրագրողի կյանքը փրկելու համար ամբողջ գիշեր աշխատել են վիրաբույժների մի քանի թիմ, այդ թվում `բժշկական գիտությունների դոկտոր, Ռուսաստանի «Սկլիֆ» ԲԿ-ի վիրաբույժ Շահեն Դանիելյանը, որը կամավոր է եկել Արցախ:

Բժիշկները լրագրողի վիճակը գնահատում են կայուն ծանր։

Ավելի վաղ Հայկական միասնական տեղեկատվական կենտրոնը տեսանյութ էր հրապարակել, որում երևում էր` ինչպես են բժիշկները պայքարում ռուս լրագրողի կյանքի համար։ Կադրերում 10-ից ավելի բուժաշխատողներ են վիրահատարանում։

Հիշեցնենք` Ադրբեջանը Սուրբ Ղազանչեցոցը հրթիռակոծել էր երեկ առավոտյան, այդ պահին ներսում երեխաներ էին եղել։ Բարեբախտաբար, տուժածներ չկային։

Դրանից հետո հրթիռակոծության հետևանքները լուսաբանելու համար եկեղեցի էին եկել Արցախում աշխատող տեղական ու միջազգային լրատվամիջոցները:

Չնայած այն հանգամանքին, որ տեղում մեծ թվով լրագրողներ էին աշխատում, ադրբեջանական զինված ուժերը երկրորդ անգամ հրթիռակոծության ենթարկեցին Շուշիի Սուրբ Ղազանչեցոց եկեղեցին:

Այդ ժամանակ արդեն ըստ Արցախի ՄԻՊ Արտակ Բեգլարյանի տարածած հաղորդագրության` 3 լրագրող է վիրավորվել։

Արցախի հրետակոծված շենքերի բնակիչները պատերազմի ավարտից հետո պետական փոխհատուցում կստանան

թեմա:
Ադրբեջանական ագրեսիան Արցախում - 2020 (1573)

Ըստ թեմայի

Շուշիում վիրավորված ռուս լրագրողին դեռ վիրահատում են. տեսանյութ
ՀՀ դեսպանությունը պատրաստ է կազմակերպել վիրավոր լրագրողի տեղափոխումը Մոսկվա. Տողանյան
Արցախի Մարդու իրավունքների պաշտպանն այցելել է Շուշիի եկեղեցում վիրավորված լրագրողներին
Ադրբեջանական ԶՈւ–ն միտումնավոր է թիրախավորել լրագրողներին. ԱԳՆ
թեգերը:
Ղազանչեցոց եկեղեցի (Շուշի), Երևան, Ստեփանակերտ, ռուս, Լրագրող

Գլխավոր թեմաներ