05:05 22 հոկտեմբերի 2020
Ուղիղ եթեր
  • USD494.37
  • GBP645.35
  • EUR585.48
  • RUB6.41
Արցախ
Ստանալ կարճ հղումը
614 0 0

Ֆիլիպ Կիրկորովի հայրը հայտարարել է, որ ընկերոջ հետ 33 հազար դոլար է հավաքել Ղարաբաղ ուղարկելու համար, Ռեուտովում բնակվող հայերը հերքում են այդ տեղեկությունը։

ԵՐԵՎԱՆ, 9 հոկտեմբերի - Sputnik. Ռուսաստանի Ռեուտով քաղաքի հայ համայնքի ներկայացուցիչը Sputnik Արմենիայի թղթակցի հետ զրույցում ասաց, որ ռուսական էստրադայի երգիչ Ֆիլիպ Կիրկորովի հայրը՝ Ռուսաստանի ժողովրդական արտիստ Բեդրոս Կիրկորովը, Արցախի համար հավաքած օգնությանը չի մասնակցել։

Собранная помощь армян российского Реутова для Карабаха
© Sputnik / Stringer
Ռեուտովի բնակիչների հավաքած օգնությունը

«Կիրկորովը կապ չունի ո՛չ հավաքված գումարի, ո՛չ էլ սննդի հետ։ Չգիտես ինչու, կեղծ տեղեկություններ են տարածվել։ Ես 12 տարի ապրում եմ Ռեուտովում և նրան (Բեդրոս Կիրկորովին. խմբ.) երբեք չեմ տեսել մեր քաղաքում:

Певец Бедрос Киркоров
© Sputnik / Екатерина Чеснокова
Բեդրոս Կիրկորով

Ավելի վաղ Կիրկորովը «Подъем»–ին հայտնել էր, որ ռեուտովցի ընկերոջ հետ 33 հազար դոլար է հավաքել Ղարաբաղ ուղարկելու համար։

«Նա ինչ-որ տեղից իմացել է մեր հավաքած օգնության մասին, քանի որ նրա նշած թիվը՝ 2 մլն 600 հազար ռուբլի (մոտ 33 հազար դոլար), համապատասխանում է իրականությանը։ Բայց նա այդ փողերի հետ կապ չունի։ Այդ գումար մոտ 200 մարդ է հավաքել, ընդ որում՝ ոչ միայն հայերը, այլ նաև ռուսներն ու հրեաները», - ասաց հայ համայնքի ներկայացուցիչը։

Մեր զրուցակիցը չցանկացավ հրապարակել իր անունը՝ նշելով, որ չի ուզում «վերմակն իր վրա քաշել ու աղմուկ բարձրացնել», պարզապես տեղեկություն է հաղորդում Sputnik Արմենիային։ Նա մեզ նաև բանկային անդորրագրերի լուսանկարներ ուղարկեց։

Собранная помощь армян российского Реутова для Карабаха
© Sputnik / Stringer
Անդորրագիր
Собранная помощь армян российского Реутова для Карабаха
© Sputnik / Stringer
Անդորրագիր

Բացի գումարից, Ռեուտովի բնակիչները նաև մարդասիրական օգնություն են հավաքել արցախցիների ու զինծառայողների համար՝ սնունդ, հագուստ և այլն: Մի քանի բեռնատար օգնությունը փոխանցվել է Ռուսաստանում Հայաստանի դեսպանատանը հոկտեմբերի 5-ին և 6-ին:

Ըստ թեմայի

«Երազ իմ երկիր հայրենի». գերմանացի լրագրողը տեսանյութ է հրապարակել Արցախից
Ալիևի վերջին հայտարարությունները ցինիզմի բարձրագույն դրսևորում են. Արցախի ԱԳՆ
Օդային տագնապն ու հրետակոծությունը չեն խանգարում. Արցախում սնունդ են մատակարարում մարդկանց
Սեյրան Օհանյանի որդին վիրավորվել է Արցախում
թեգերը:
Ֆիլիպ Կիրկորով, հայեր, Արցախ, Ռուսաստան

Գլխավոր թեմաներ