16:10 23 հոկտեմբերի 2020
Ուղիղ եթեր
  • USD494.31
  • GBP647.00
  • EUR584.77
  • RUB6.42
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1523)
124211

Նիկոլ Փաշինյանը, խոսելով արցախա–ադրբեջանական սահմանին տիրող իրավիճակի մասին, ասել է, որ Ադրբեջանը պատրաստ չէ կոմպրոմիսի։

ԵՐԵՎԱՆ, 10 հոկտեմբերի – Sputnik. Եթե միջազգային հանրությունը պատշաճ ձևով չարձագանքի, արցախա-ադրբեջանական սահմանին ընթացող պատերազմը կարող է ընդլայնվել մեր տարածաշրջանում դեպի ավելի մեծ տարածաշրջան: Գերմանական ZDF հեռուստաալիքին տված հարցազրույցում ասել է ՀՀ վարչապետ Նիկոլ Փաշինյանը։

«Միջազգային հանրությունը պետք է շատ լուրջ վերաբերվի այս իրավիճակին: Հակառակ դեպքում մենք կարող ենք կանգնել 3-րդ համաշխարհային պատերազմի սպառնալիքի առաջ: Որովհետև՝ ասել եմ և էլի չեմ զլանա ասել, եթե միջազգային հանրությունը, մասնավորապես Եվրոպան այս իրավիճակին պատշաճ չարձագանքի, հարկ է ոչ հեռավոր ապագայում Թուրքիային սպասել Վիեննայի մերձակայքում»,–ասել է նա։

Ինչ վերաբերում է հնարավոր կոմպրոմիսներին, ապա Փաշինյանի խոսքով` դա հնարավոր է այն պայմաններում, եթե կողմերը պատրաստ են կոմպրոմիսի. Ադրբեջանը պատրաստ չէ: Որպես օրինակ նա բերել է ԵԱՀԿ Մինսկի խմբի համանախագահ երկրների կրակը դադարեցնելու մասին հայտարարությունը, ինչը հայկական կողմերը ողջունում են, իսկ Ադրբեջանը չի արձագանքում որևէ կերպ:

Ավելին, այս դեպքում Թուրքիան հայտարարում է, որ հույս ունի, թե Ադրբեջանը չի դադարեցնի ռազմական գործողությունները: Լեռնային Ղարաբաղի կարգավիճակի ճանաչումը, ըստ վարչապետի, կարող է դառնալ այս իրավիճակից ելք:

Ադրբեջանի կողմից պայմանավորվածության խախտումը Ռուսաստանին ուղղված մարտահրավեր է. քաղաքագետ

Փաշինյանն ասել է նաև, որ Թուրքիան 100 տարի անց տարածաշրջան է վերադարձել՝ հայերի ցեղասպանությունը շարունակելու համար: Փորձ է արվում Լեռնային Ղարաբաղը էթնիկ զտման ենթարկել և հայերին դուրս մղել այնտեղից, ոչնչացնել հայությանը:

Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը երեկ Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։ Մասնավորապես, կողմերը պայմանավորվել են, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։

Առաջընթացի մասին խոսելն անհնար կլիներ առանց այս իրավիճակին վերջնակետ դնելու. Մնացականյան

թեմա:
Ադրբեջանական ագրեսիան Արցախում - 2020 (1523)

Ըստ թեմայի

Ադրբեջանի նախնական հաշվարկները խառնվել են
Ձեր ցավը տանեմ. Արայիկ Հարությունյանն ու թշնամու գրոհը հետ մղած զինծառայողները. տեսանյութ
Տոնոյանն ու Կարմիր խաչի անդամները քննարկել են գերիների և զոհերի փոխանակման ընթացակարգերը
թեգերը:
Ադրբեջան, Ղարաբաղյան հակամարտություն, Լեռնային Ղարաբաղ, Արցախ, Հայաստան, Պատերազմ, Նիկոլ Փաշինյան

Գլխավոր թեմաներ