02:31 20 հոկտեմբերի 2020
Ուղիղ եթեր
  • USD492.40
  • GBP640.27
  • EUR578.91
  • RUB6.34
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1363)
221511

Արցախի ժողովրդի՝ 1988թ-ից ի վեր բարձրացրած արդարացի պահանջի ու ազատագրական պայքարի դեմ, Արայիկ Հարությունյանի խոսքով, այօր պայքարում է ոչ միայն Ադրբեջանը, այլև Թուրքիան ու միջազգային տեռորիզմը:

ԵՐԵՎԱՆ, 11 հոկտեմբերի - Sputnik. Արցախի Հանրապետության նախագահ Արայիկ Հարությունյանն այսօր ԱՀ մայրաքաղաք Ստեփանակերտում հրավիրած մամուլի ասուլիսի ժամանակ շնորհակալություն հայտնեց ՌԴ նախագահ Վլադիմիր Պուտինին Հայաստանի ու Ադրբեջանի միջև հումանիտար հրադադար հաստատելու ջանքերի համար:

Այդուհանդերձ, նրա խոսքով, Արցախի ժողովրդի՝ 1988թ-ից ի վեր բարձրացրած արդարացի պահանջի ու ազատագրական պայքարի դեմ այսօր պայքարում է ոչ միայն Ադրբեջանը, այլև Թուրքիան ու միջազգային տեռորիզմը:

«Տեռորիզմը ներթափանցում է տարածաշրջան՝ Ադրբեջանի՝ ազգային ազատագրական պայքարին հայտարարած քաղաքականության քողի տակ»,- ասաց Հարությունյանը:

Արցախի նախագահը հայտարարեց, որ զինվորական օբյեկտների անվան տակ հակառակորդը շարունակում է հրթիռակոծել Արցախի խաղաղ բնակավայրերը: Նա հիշեցրեց նաև Շուշիի եկեղեցու կրկնակի հրթիռակոծման մասին և շեշտեց, որ դրա շրջակայքում չկա որևէ զինվորական օբյեկտ:

Ալիևի վերջին հայտարարությունները ցինիզմի բարձրագույն դրսևորում են. Արցախի ԱԳՆ

«Արցախում ընթանում է խաղաղ բնակչության բնաջնջման գործընթաց: Այսքանից հետո ակնկալում են Արցախի կողմից ոչ համապատասխան վերաբերմունք, այսինքն՝ համաձայնել իրենց կողմից պարտադրված պահանջներին: Դա չի լինելու, ուզում եմ հայտարարել՝ դա չի լինելու: Արցախն իրականացնում է իր ինքնապաշտպանության իրավունքը և մենք մեր այդ իրավունքի շրջանակներում նաև ՀՀ և հայության անմիջական մասնակցությամբ այն իրականացնելու ենք: Արցախը չի լինելու Ադրբեջանի մաս»,- ասաց նախագահը:

«Եթե առաջիկա օրերին Ադրբեջանը չգնա խաղաղ ճանապարհով բանակցությունների, ապա ես դիմելու են Հայաստանի իշխանություններին և մարդու իրավունքները հարգող երկրների իշխանություններին` ճանաչելու Արցախի Հանրապետության անկախությունը»,-ասաց նա։

Արայիկ Հարությունյանը նաև նշեց, որ հայտարարված հումանիտար հրադադարի խախտումը խոսուն վկայությունն է այն բանի, թե որքանով է Ադրբեջանը հարգում ՌԴ-ի, ԵԱՀԿ ՄԽ-ի համանախագահների, միջազգային հանրության ջանքերը, կոչերն ու հորդորները՝ կրակի դադարեցման ու խնդրի խաղաղ լուծման մասին:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 10-ի ժամը 11։00-ի դրությամբ` հակառակորդի կրակոցների հետևանքով զոհվել են ավելի քան 400 զինծառայողներ և 20 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4369 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 162 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 508 տանկ և ՀՄՄ:

Փայլուն օպերացիա Արցախում. ազատագրվել է դիրքերից մեկը, փրկվել 19 զինվորի կյանք

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Հեծանիվի անվադողը՝ «ժգուտ», պատկերասրահն էլ՝ տեսակավորման կայան. կամավոր դարձած հայություն

 

թեմա:
Ադրբեջանական ագրեսիան Արցախում - 2020 (1363)

Ըստ թեմայի

«Մենք տեղ չունենք նահանջի». ռուս երգչուհի Չիչերինան երգում է Արցախի պաշտպանների համար
Եվս 25 զոհ հանուն հայրենիքի. ՊԲ–ն նոր անուններ է հրապարակել
Թուրքիան ղեկավարում է ադրբեջանական օդուժի կազմում գործող թուրքական ԱԹՍ-ները. ՊՆ
թեգերը:
ասուլիս, Պատերազմ, Արցախ, Արցախի նախագահ Արայիկ Հարությունյան

Գլխավոր թեմաներ