23:38 20 հոկտեմբերի 2020
Ուղիղ եթեր
  • USD493.33
  • GBP639.50
  • EUR582.43
  • RUB6.33
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1414)
215 0 0

Եվրամիությունը հայտարարությամբ է հանդես եկել` անդրադառնալով հումանիտար հրադադարի խախտման դեպքերին։

ԵՐԵՎԱՆ, 12 հոկտեմբերի - Sputnik. Եվրոպական միությունը կոչ է անում Ադրբեջանին ու Հայաստանին պահպանել հոկտեմբերի 10-ին Մոսկվայում ձեռք բերված հումանիտար հրադադարի համաձայնագիրը։ Նման հայտարարությամբ է հանդես եկել ԵՄ-ն` անդրադառնալով արցախա-ադրբեջանական սահմանին չդադարող լարվածությանը համաձայնագրից հետո։

ԵՄ–ն հիշեցնում է, որ այդ համաձայնագրով նախատեսված է, որ բոլոր գործող անձինք, այդ թվում ՝ արտաքին կողմերը, ձեռնպահ պետք է մնան ցանկացած գործողություններից, որոնք կարող են հանգեցնել զոհերի:

«Այս կապակցությամբ մենք խիստ մտահոգությամբ ենք նշում շարունակվող ռազմական գործունեության, այդ թվում ՝ քաղաքացիական օբյեկտների, ինչպես նաեւ քաղաքացիական բնակչության շրջանում զոհերի մասին լուրերը։ Կողմերին կոչ ենք անում ապահովել համաձայնագրի լիակատար պահպանումը»,–նշված է ԵՄ հաղորդագրության մեջ։

ԵՄ-ն կոչ է անում կողմերին անհապաղ ձեռնամուխ լինել առարկայական բանակցությունների ԵԱՀԿ Մինսկի խմբի համանախագահների հովանու ներքո։

Միաժամանակ, նշվում է, որ ԵՄ-ն շարունակում է աջակցել ԵԱՀԿ Մինսկի խմբի համանախագահների ՝ բանակցային ճանապարհով հակամարտության լուծում գտնելու աշխատանքներին և շարունակելու է մասնակցել տարածաշրջանում կայուն խաղաղության հասնելու ջանքերին:

Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9-ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 11-ի ժամը 11։00-ի դրությամբ` հակառակորդի կրակոցների հետևանքով զոհվել են ավելի քան 400 զինծառայողներ և 20 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4719 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 166 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 510 տանկ և ՀՄՄ:

Ինչին պետք է ընտելանանք, եթե Ադրբեջանի հետ պատերազմը երկարի

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Հրադադար, բայց ոչ խաղաղություն. ի՞նչ խնդիր պետք է լուծի բանակը արցախյան պատերազմից հետո

թեմա:
Ադրբեջանական ագրեսիան Արցախում - 2020 (1414)

Ըստ թեմայի

Թուրքիան չի հրաժարվում իր կեցվածքից. ՀՀ ԱԳՆ–ի արձագանքը
Մարտունին ու Մարտակերտը հրթիռակոծությունից հետո. լուսանկարներ
Թուրքիան ամեն կերպ ցանկանում է Նախիջևանը ցամաքային ճանապարհով միացնել Ադրբեջանին. փորձագետ
թեգերը:
Պատերազմ, հրադադար, Եվրամիություն, Արցախ

Գլխավոր թեմաներ