00:40 29 հոկտեմբերի 2020
Ուղիղ եթեր
  • USD492.71
  • GBP638.90
  • EUR578.69
  • RUB6.31
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1746)
105 0 0

Ավելի վաղ մոնիթորինգի գծով ԵԽԽՎ կոմիտեի ղեկավար Օստրուպ Յենսենը դատապարտել էր Թուրքիայի հռետորաբանությունը Ղարաբաղյան հակամարտության վերաբերյալ և կոչ արել Անկարային դադարեցնել նման գործողությունները։

ԵՐԵՎԱՆ, 12 հոկտեմբերի – Sputnik. Անհրաժեշտ է միջազգային դիտորդների և ԶԼՄ–ների հասանելիությունն ապահովել ԼՂՀ հակամարտության գոտում և երաշխավորել նրանց անվտանգությունը, ԵԽԽՎ մշտական կոմիտեի առցանց նիստի ժամանակ նման հայտարարություն է արել մոնիթորինգի գծով ԵԽԽՎ կոմիտեի ղեկավար Օստրուպ Յենսենը։

«Այժմ չափազանց կարևոր է, որ երկու կողմերը պարտավորություն ստանձնեն ստեղծված իրավիճակից խաղաղ ճանապարհով ելք գտնելու համար և վերադառնան այդ հարցի քննարկմանը ԵԱՀԿ ՄԽ շրջանակում ու Մադրիդյան սկզբունքների պահպանմամբ», – ասել է Յենսենը։

Նա ընդգծել է, որ կազմակերպությունը պետք է պնդի, որ կողմերը ստանձնեն ամենալուրջ պարտավորությունները ստեղծված իրավիճակի վերանայման և վստահության վերականգնման, ինչպես նաև այդ երկրների բնակչության միջև փոխըմբռնման համար։ Քանի որ առանց դրա այս հակամարտությունը երբեք լուծում չի ստանա։

«Անհրաժեշտ է ապահովել միջազգային դիտորդների և ԶԼՄ–ների հասանելիությունը հակամարտության գոտի և երաշխավորել նրանց անվտանգությունը», – հավելել է խորհրդարանականը։

Նշենք, որ ավելի վաղ ելույթ ունենալիս նա դատապարտել էր Ղարաբաղյան հակամարտության վերաբերյալ Թուրքիայի հռետորաբանությունն ու կոչ արել Անկարային դադարեցնել սադրիչ գործողությունները։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 12-ի ժամը 20։00-ի դրությամբ` հակառակորդի կրակոցների հետևանքով զոհվել են 525 զինծառայողներ և 20 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 4919 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 17 ինքնաթիռ, 16 ուղղաթիռ, 168 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 514 տանկ և ՀՄՄ:

Ինչին պետք է ընտելանանք, եթե Ադրբեջանի հետ պատերազմը երկարի

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Հրադադար, բայց ոչ խաղաղություն. ի՞նչ խնդիր պետք է լուծի բանակը արցախյան պատերազմից հետո

թեմա:
Ադրբեջանական ագրեսիան Արցախում - 2020 (1746)

Ըստ թեմայի

Շուշիում վիրավորված ռուս լրագրողը դուրս է եկել կոմայից
Ադրբեջանում քրեական գործ են հարուցել ռուսաստանցի լրագրող Սեմյոն Պեգովի նկատմամբ
«Իրականում ինձ փրկեց Շուշիի բժիշկը». Արցախում վիրավորված ռուս լրագրողն ապաքինվում է
թեգերը:
Լրագրող, Եվրախորհրդի խորհրդարանական վեհաժողով (ԵԽԽՎ), Ղարաբաղյան հակամարտություն

Գլխավոր թեմաներ