23:57 20 հոկտեմբերի 2020
Ուղիղ եթեր
  • USD493.33
  • GBP639.50
  • EUR582.43
  • RUB6.33
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1414)
639 0 0

Զոհրաբ Մնացականյանը կարևորեց նաև մոնիտորինգի մեխանիզմների ներդրումը, որոնք թույլ կտան ապահովել հրադադարի իրական պահպանումը:

ԵՐԵՎԱՆ, 12 հոկտեմբերի-Sputnik. ՀՀ արտաքին գործերի նախարար Զոհրաբ Մնացականյանը համոզված է, որ Ղարաբաղյան հիմնախնդրի լուծման հիմքում պետք է լինի Լեռնային Ղարաբաղի բնակիչների կյանքի և անվտանգության ապահովումը: Այս մասին նա ասել է ՌԻԱ Նովոստիին և Sputnik-ի հետ զրույցում։

«Ինչ է նշանակում պահպանել ստատուս քվոն։ Մեզ պետք է հակամարտության այնպիսի լուծում, որտեղ պահպանվեն Լեռնային Ղարաբաղի շահերը, որոնք վերաբերում են բնակչության անվտանգությանը, ես խոսում եմ էքզիստենցիալ և ֆիզիկական անվտանգության մասին։ Մինչ մենք հիմա այստեղ խոսում ենք, այնտեղ իմ հայրենակիցները զոհվում են։ Նրանք հակառակորդի հարվածների տակ են ապրում`խաղաղ բնակիչները և մարդիկ, ովքեր կանգնած են իրենց ընտանիքի, իրենց տան պաշտպանության համար։ Մենք չենք կարող անտարբեր լինել մեր հայրենակիցների էքզիստենցիալ և ֆիզիկական անվտանգության նկատմամբ։ Դա պետք է արտահայտվի հակամարտության կարգավորման մեջ», - ասել է նա։

Մնացականյանը կարևորել է նաև մոնիտորինգային մեխանիզմների ներդրումը, որոնք թույլ կտան ապահովել հրադադարի իրական պահպանումը:

«Վերիֆիկացիան անհրաժեշտ է։ Այս առիթով ակտիվ խորհրդակցություններ են ընթանում ։ Ես մանրամասներին չեմ անդրադառնա, որովհետև հիմա շատ պատասխանատու պահ է։ Նրանք մեզ մեղադրում են, թե Հայաստանն ու Լեռնային Ղարաբաղն են խախտում են հրադադարը ։ Մենք արդեն քանի տարի է խոսում ենք այդ մասին` մոնիտորինգի մեխանիզմների, որոնք թույլ կտան մեզ ապահովել հրադադարի իրական պահպանումը», - ասել է նա։

Ավելի վաղ հայտնել էինք, որ Մնացականյանն այսօր Մոսկվա է մեկնում, որտեղ հանդիպում կունենա ՌԴ ԱԳ նախարար Սերգեյ Լավրովի և ԵԱՀԿ Մինսկի խմբի համանախագահների հետ։ (ԵԱՀԿ Մինսկի խմբի համանախագահներն են Ռուսաստանը (Իգոր Պոպով), Ֆրանսիան (Ստեֆան Վիսկոնտին) և ԱՄՆ-ն (Էնդրյու Շոֆերը))։

Լավրովի հետ փակ հանդիպումից առաջ ԱԳ նախարարները հանդես եկան հրապարակային հայտարարություններով։

Պուտինը խոսել է ԼՂ–ում ռազմական գործողությունները դադարեցնելու օգտին. Լավրով

Հիշեցնենք` Հայաստանի և Ադրբեջանի արտգործնախարարներ Զոհրաբ Մնացականյանն ու Ջեյհուն Բայրամովը հոկտեմբերի 9–ին Մոսկվա էին մեկնել` խորհրդատվություններ անցկացնելու։ ՌԴ արտգործնախարար Սերգեյ Լավրովի հետ համատեղ հանդիպումը տևեց գրեթե 11 ժամ և ավարտվեց համաձայնագրի ընդունմամբ, որը հակամարտության կարգավորման չորս կետ է պարունակում։ Մասնավորապես, կողմերը պայմանավորվել են, որ հոկտեմբերի 10-ին, ժամը 12։00-ից սկսած հումանիտար նպատակներով հրադադար կհաստատվի ռազմագերիներին, այլ պահվող անձանց և զոհվածների մարմինները փոխանակելու համար՝ Միջազգային Կարմիր խաչի չափանիշներին համապատասխան։

Չնայած դրան, ադրբեջանական կողմը շարունակում է խախտել հումանիտար հրադադարի պայմանավորվածությունը` թիրախավորելով նաև խաղաղ բնակչությանը։

Առաջընթացի մասին խոսելն անհնար կլիներ առանց այս իրավիճակին վերջնակետ դնելու. Մնացականյան

թեմա:
Ադրբեջանական ագրեսիան Արցախում - 2020 (1414)

Ըստ թեմայի

Կասետային զինատեսակներ․ ինչո՞ւ են դրանք արգելված
Հայկական պատասխան բարբարոսությանը. բելգիահայ երաժիշտը նվագում է Ղազանչեցոց կիսավեր վանքում
ԵԽԽՎ–ում կոչ են արել ապահովել դիտորդների ու լրագրողների անվտանգությունն Արցախում
թեգերը:
Ադրբեջան, Հայաստան, Ղարաբաղյան հակամարտություն, Լեռնային Ղարաբաղ, Արցախ, Զոհրաբ Մնացականյան

Գլխավոր թեմաներ