15:42 23 հոկտեմբերի 2020
Ուղիղ եթեր
  • USD494.31
  • GBP647.00
  • EUR584.77
  • RUB6.42
Արցախ
Ստանալ կարճ հղումը
1909 0 0

Դատարանը որոշել է Ադրբեջանի կառավարությունից պահանջել տեղեկություններ տրամադրել երկու գերիների պահման պայմանների, բժշկական հետազոտությունների և հնարավոր փոխանակման վերաբերյալ։

ԵՐԵՎԱՆ, 14 հոկտեմբերի – Sputnik. Իրավագետ, արդարադատության նախկին նախարար Արտակ Զեյնալյանը տեղեկացնում է, որ սեպտեմբերի 27-ին Ադրբեջանի սանձազերծած լայնամասշտաբ պատերազմի ընթացքում հայկական զինված ուժերի երկու զինծառայողներ Արեգ Սարգսյանը և Նարեկ Ամիրջանյանը գերեվարվել են:

«Գերեվարված զինծառայողների ընտանիքի անդամների անունից իրավաբանների խումբը հոկտեմբերի 11-ին դիմել է Մարդու իրավունքների եվրոպական դատարան` ներկայացրել հրատապ մի քանի միջոցներ կիրառելու մասին»,–Facebook սոցցանցի իր էջում գրել է Զեյնալյանը։

Մասնավորապես, ՄԻԵԴ ներկայացված դիմումում նշված է, որ ըստ Մոսկվայում ձեռք բերված պայմանավորվածության` պետք է երկու զինվորներին վերադարձնեն Հայաստանի իշխանություններին։ Սակայն մինչև նրանց վերադարձը պետք է ձեռնարկել բոլոր միջոցները պաշտպանելու նրանց կյանքը և ապահովելու նրանց ֆիզիկական ու հոգեբանական անձեռնմխելիությունը, ինչպես նաև պատշաճ բժշկական օգնություն ապահովել։

Զեյնալյանի խոսքով` քիչ առաջ իրենց ծանուցել են, որ դատարանը հոկտեմբերի 12-ին գրանցել է գործը և ծանուցել Ադրբեջանի կառավարությանը:

Դատարանը որոշել է Ադրբեջանի կառավարությունից պահանջել որոշ տեղեկություններ տրամադրել պահման պայմանների, բժշկական հետազոտությունների և նրանց առողջական վիճակի մասին, ինչպես նաև նշված երկու զինծառայողների փոխանակման հնարավորության վերաբերյալ տեղեկություններ։ Ադրբեջանն այս հարցերին պետք է պատասխանի մինչև հոկտեմբերի 22-ը։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 14-ի ժամը 11:00-ի դրությամբ` հակառակորդի կրակոցների հետևանքով զոհվել են 532 զինծառայողներ և 31 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5486 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 19 ինքնաթիռ, 16 ուղղաթիռ, 176 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 541 տանկ և ՀՄՄ:

«Ես կրակի տակ ամենաթանկ բանն եմ թողել՝ որդուս». ինչպես են ապրում արցախցիները Ջրամբարում 

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Նույնիսկ ճանճը չի կարող խուսափել հայուհու դիպուկ հարվածից. արցախյան պատերազմի կանացի դեմքը

Ըստ թեմայի

ՊԲ–ի հրապարակած տեսանյութում երևում են Ադրբեջանի զինծառայողների դիերը. 21+
«Ես տեղում եմ»․ Տավուշում առաջնագծի զինծառայողներին աջակցելու յուրահատուկ արշավ է սկսվել
Ադրբեջանը կորցրել է ևս 20 զրահատեխնիկա և 350 զինծառայող
թեգերը:
գերի, զինծառայող, Արցախ, Ադրբեջան

Գլխավոր թեմաներ