04:38 22 հոկտեմբերի 2020
Ուղիղ եթեր
  • USD494.37
  • GBP645.35
  • EUR585.48
  • RUB6.41
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1458)
844 0 0

Ակնհայտ էր` Ադրբեջանի բանակը միայնակ չի կարող կռվել Լեռնային Ղարաբաղի պաշտպանության բանակի դեմ։ Այդ պատճառով Թուրքիան որոշել է ներգրավվել ահաբեկիչներին։

ԵՐԵՎԱՆ, 15 հոկտեմբերի – Sputnik. Հայաստանը կոնկրետ ապացույցներ ունի, որ Լեռնային Ղարաբաղի դեմ մարտերում Սիրիայից բերված ահաբեկիչներին են մասնակցում։ Այս մասին ասել է ՀՀ վարչապետ Նիկոլ Փաշինյանը «Ռոսիա սեգոդնյա» ՄՏԳ–ի գլխավոր տնօրեն Դմիտրի Կիսելյովին տված հարցազրույցում։

«Այդ մասին արդեն ողջ աշխարհն է խոսում։ Դա շատ կարևոր նրբություն է, և կարևոր է նաև այն պատճառով, որ կօգնի հասկանալ՝ ով ինչ նկատառումներով է սկսել ռազմական գործողությունները։ Իհարկե կան կոնկրետ ապացույցներ, որ Սիրիայից բերված ահաբեկիչ գրոհայինները մասնակցում են Լեռնային Ղարաբաղի դեմ մղվող մարտերին։ Ապացուցող տեսագրություններ կան, որոնք հրապարակվել են սոցցանցերում ու լրատվամիջոցներում։ Ու հիմա ակնհայտ է, որ Թուրքիան այդ պատերազմի գլխավոր հովանավորն է։ Թուրքիան է վարձել ու տեղափոխել գրոհային ահաբեկիչներին Ղարաբաղյան հակամարտության գոտի։ Թուրքիայի հովանու ներքո է Լեռնային Ղարաբաղի դեմ հարձակում սկսելու որոշում կայացվել»,– ասել է Փաշինյանը։

Նրա խոսքով` կարևոր է հասկանալ՝ ինչու՞։ Քանի որ ակնհայտ էր` Ադրբեջանի բանակը միայնակ չի կարող կռվել Լեռնային Ղարաբաղի պաշտպանության բանակի դեմ։ Այդ պատճառով Թուրքիան որոշել է ներգրավվել ահաբեկիչների, թուրքական զորքերը ոչ միայն ներգրավված են ռազմական գործողությունների ղեկավարման մեջ, այլև անմիջական մասնակցություն ունեն թուրքական բանակի հատուկ ստորաբաժանումները։

«Որոշ տվյալների համաձայն՝ մարտական գործողություններին մասնակցում են նաև Պակիստանի բանակի հատուկ ստորաբաժանումները։ Կարծում եմ՝ առնվազն Թուրքիայի կողմից գրոհայինների մասնակցությունն ամբողջ աշխարհում ապացուցված է, քանի որ բազում միջազգային ԶԼՄ-ներ արդեն գրում են այդ մասին»,– նշել է ՀՀ վարչապետը։

Նշենք, որ Սիրիայից վարձկաններ ներգրավելու մասին հայտարարել էր նաև ՌԴ արտաքին հետախուզության ղեկավար Սերգեյ Նարիշկինը, իսկ երեկ Թուրքիայի նախագահ Ռեջեփ Թայիփ Էրդողանի հետ զրույցում այդ մասին խոսել էր նաև ՌԴ նախագահ Վլադիմիր Պուտինը:

Փաշինյանը ներկայացրել է Արցախյան հարցում Հայաստանի համար կարմիր գծերը

 

թեմա:
Ադրբեջանական ագրեսիան Արցախում - 2020 (1458)

Ըստ թեմայի

Ավստրիայի խորհրդարանը դատապարտել է Թուրքիային
Ադրբեջանն ու Թուրքիան պետք է պատասխանատվության ենթարկվեն վարձկանների համար. Սարգսյան
Թուրքիայի պատճառով օդում «գերի մնացած» նախարարը կգա Հայաստան
Թուրքիայի հետ սաուդցիների հարաբերությունները լարված են. ի՞նչ կարող է դա տալ Հայաստանին
թեգերը:
Թուրքիա, Ադրբեջան, Նիկոլ Փաշինյան, Արցախ, Հայաստան

Գլխավոր թեմաներ