19:47 19 հոկտեմբերի 2020
Ուղիղ եթեր
  • USD492.40
  • GBP640.27
  • EUR578.91
  • RUB6.34
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1351)
307 0 0

ՀՖՖ նախագահի խորհրդական Դենիս Ջորկաեֆի խոսքով` եթե Արցախն այժմ միջազգայնորեն չճանաչվի, կլինի հայերի նոր ցեղասպանություն։

ԵՐԵՎԱՆ, 16 հոկտեմբերի – Sputnik. Ֆրանսիայի ֆուտբոլի հավաքականի կազմում Եվրոպայի և աշխարհի առաջնության չեմպիոն Յուրի Ջորկաեֆի եղբայրը՝ ՀՖՖ նախագահի խորհրդական Դենիս Ջորկաեֆը, դիմել է Ֆրանսիայի նախագահ Էմանուել Մակրոնին`Արցախի անկախությունը ճանաչելու կոչով։ Ջորկաեֆն իր կոչը հրապարակել է Facebook-ի էջում։

«Հարգելի նախագահ, ժամանակն է, որ Ֆրանսիան աչք չփակի նախագահներ Ալիևի և Էրդողանի՝ Արցախում հայ ժողովրդի նկատմամբ իրականացվող արյունահեղության վրա»,–ասել է Ջորկաեֆը:

Նրա խոսքով`եթե Արցախն այժմ միջազգայնորեն չճանաչվի, կլինի հայերի նոր ցեղասպանություն։

«Պարոն Էրդողանը չի թաքցնում՝ ասելով, որ ավարտին կհասցնի 105 տարի առաջ սկսված գործը`Հայոց ցեղասպանությունը: Դադարեցրե՛ք չեզոքությունն ու քայլեր ձեռնարկեք, պարո՛ն Մակրոն, քանի որ միայն դուք կարող եք օգնել հայ ժողովրդին: Անպատժելիությունը թանկ է արժենում՝ լինի դա այսօր, թե վաղը»,- ասել է Ջորկաեֆը:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 15-ի ժամը 14:00-ի դրությամբ` հակառակորդի կրակոցների հետևանքով զոհվել են 604 զինծառայողներ և 32 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5486 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 19 ինքնաթիռ, 16 ուղղաթիռ, 176 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 541 տանկ և ՀՄՄ:

«Ես կրակի տակ ամենաթանկ բանն եմ թողել՝ որդուս». ինչպես են ապրում արցախցիները Ջրամբարում 

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Նույնիսկ ճանճը չի կարող խուսափել հայուհու դիպուկ հարվածից. արցախյան պատերազմի կանացի դեմքը

թեմա:
Ադրբեջանական ագրեսիան Արցախում - 2020 (1351)

Ըստ թեմայի

Ալիևը Մակրոնից պահանջել է ներողություն խնդրել
Նիկոլա Ազնավուրը բաց նամակ է հղել Էմանուել Մակրոնին
«Ծանր սրտով եմ գրում». Հենրիխ Մխիթարյանը բաց նամակ է հղել Պուտինին, Թրամփին ու Մակրոնին
թեգերը:
Արցախ, Ֆրանսիա, Էմանուել Մակրոն, Դենիս Ջորկաեֆ

Գլխավոր թեմաներ