19:35 19 հոկտեմբերի 2020
Ուղիղ եթեր
  • USD492.40
  • GBP640.27
  • EUR578.91
  • RUB6.34
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1350)
147 0 0

Որոշմանը կողմ են քվեարկել նիստին ներկա 29 պատգամավորներից 28-ը։ 1 պատգամավոր «ձեռնպահ» է քվեարկել։

ԵՐԵՎԱՆ, 16 հոկտեմբերի — Sputnik. Միլանի քաղաքային խորհուրդը երեկ ուշ երեկոյան ճանաչել է Արցախի անկախությունը։ Տեղեկությունը Facebook-ի իր էջում հայտնում է Միլանի քաղաքային խորհրդի պատգամավոր Մատեո Ֆորտեն, որը նախագծի հեղինակն է։

Նա նաև հայտնում է, որ հարցի քննարկմանն ու քվեարկությանը ներկա է եղել Իտալիայում ՀՀ պատվավոր հյուպատոս Պյետրո Քուչուկյանը։

«Պատվավոր հյուպատոսի ներկայությամբ քաղաքային խորհուրդը քիչ առաջ ընդունեց իմ առաջարկը` դատապարտել թուրք–ադրբեջանական ագրեսիան ու ճանաչել Արցախի Հանրապետությունը։ 1997թ–ին Պալացցո Մարինոյի քվեարկությունից հետո, որով առաջին անգամ քաղաքապետարանը ճանաչեց քսաներորդ դարի Հայոց ցեղասպանությունը, Միլանը կրկին ճանապարհ է բացում դեպի ճանաչում»,–գրել է պատգամավորը։

Նշենք, որ ընդունված որոշմամբ` Միլանի քաղաքային խորհուրդը նաև Միլանի քաղաքապետին և քաղաքի գործադիր իշխանություններին պատվիրակում է միջնորդել Իտալիայի ազգային իշխանություններին ճանաչել Արցախի Հանրապետությունը՝ «որպես քաղաքակրթության ակտ, որը կարող է հանգեցնել ոչ միայն արդարության իրագործմանը, այլև վերջ դնել լռությանը, որը տևական ժամանակ է` դառնում է հանցագործության մեղսակցություն»։

Նշենք, որ որոշմանը կողմ են քվեարկել նիստին ներկա 29 պատգամավորներից 28-ը։ 1 պատգամավոր «ձեռնպահ» է քվեարկել։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 16-ի ժամը 09:30-ի դրությամբ` հակառակորդի կրակոցների հետևանքով զոհվել են 604 զինծառայողներ և 32 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5959 զոհ ունի, ավելի քան 5000 վիրավոր։ 

Ըստ վերջին տվյալների՝ Ադրբեջանի զինված ուժերը կորցրել են 21 ինքնաթիռ, 16 ուղղաթիռ, 181 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 552 տանկ և ՀՄՄ:

«Ես կրակի տակ ամենաթանկ բանն եմ թողել՝ որդուս». ինչպես են ապրում արցախցիները Ջրամբարում 

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

Նույնիսկ ճանճը չի կարող խուսափել հայուհու դիպուկ հարվածից. արցախյան պատերազմի կանացի դեմքը

թեմա:
Ադրբեջանական ագրեսիան Արցախում - 2020 (1350)

Ըստ թեմայի

Ե՞րբ ՀՀ-ի կողմից Արցախի անկախության ճանաչումն անիմաստ կլինի. Մարուքյանը մանրամասնում է
Դիմելու եմ ՀՀ-ին ու աշխարհի բոլոր երկրներին՝ ճանաչելու Արցախի անկախությունը. ԱՀ նախագահ
Ինչու հենց հիմա պետք է ճանաչել Արցախի անկախությունը. Մելքումյանը պատմել է ԵԽԽՎ նիստից
Ակցիա Երևանում. մասնակիցները ՌԴ–ին կոչ արեցին ճանաչել Արցախի անկախությունը
թեգերը:
անկախություն, Միլան, Արցախ

Գլխավոր թեմաներ