ԵՐԵՎԱՆ, 16 հոկտեմբերի — Sputnik. Արցախի տեղեկատվական շտաբը հրապարակել է ադրբեջանական հրթիռակոծության ենթարկված Մարտունու շրջանի Կարմիր Շուկա համայնքի լուսանկարները։
Կարմիր շուկան հրթիռակոծվել է հոկտեմբերի 15-ի լույս 16-ի գիշերը։ Ադրբեջանական զինված ուժերը հարվածել էին համայնքին «Սմերչ» կասետային ռումբերով։ Հրթիռակոծության պատճառով գյուղի բնակիչներից երկուսը մահացել են, մեկը` վնասվածքներ ստացել։ Տուժել են բազմաթիվ տներ, հանրային նշանակության օբյեկտներ։
Լուսանկարներում երևում են խանութների և տների կոտրված ապակիները, վնասված դարպասները։
Կարմիր Շուկայում խաղաղ պայմաններում ավելի քան 1000 մարդ է ապրում։ Համայնքում կան 12–րդ դարի խաչքարեր, 17–րդ դարի հայկական գերեզմանոցներ և վանքեր։
Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 16-ի ժամը 12:00-ի դրությամբ` հակառակորդի կրակոցների հետևանքով զոհվել են 633 զինծառայողներ և 34 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5959 զոհ ունի, ավելի քան 5000 վիրավոր։
Ըստ վերջին տվյալների՝ Ադրբեջանի զինված ուժերը կորցրել են 21 ինքնաթիռ, 16 ուղղաթիռ, 181 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 552 տանկ և ՀՄՄ:
Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա
Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։
«Գրադի» կրակի տակ. ինչպես են տարեց տղամարդիկ ապրում Մարտունու ապաստարաններից մեկում
