04:39 22 հոկտեմբերի 2020
Ուղիղ եթեր
  • USD494.37
  • GBP645.35
  • EUR585.48
  • RUB6.41
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1458)
610610

Հայկական արմատներով ռուսաստանցի երգչուհին համեմատականներ է տարել Հայոց ցեղասպանության և այս օրերի պատերազմի միջև:

ԵՐԵՎԱՆ, 16 հոկտեմբերի - Sputnik. Ռուսաստանաբնակ հայ երգչուհի Մարիամ Մերաբովան իր Facebook-յան էջում նախնիների նկարներն է տեղադրել Արևմտյան Հայաստանից և պատմել նրանց ողբերգական պատմությունը:

«Մամ ջան, պապ ջան, անպայման վերադառնալու եմ». զինվորների ուղերձը` առաջնագծից (տեսանյութ)

«Նայեք այս մարդկանց, նրանք իմ նախնիներն են ՝ Սուլխանյանցները: Մինաս նախապապս է ու Մարիամ նախատատս, նրանց շուրջն էլ նրանց երեխաներն են։ Ավագ որդու` Սողոմոնի երկու բալիկները 1915-ին երեք տարեկան էին։ Այդ տարում թուրքերը դաժանաբար սպանեցին ընտանիքի կեսին` չխղճալով անգամ այդ երեխաներին։ Հետո թուրքերը լուսանկարվում էին հայերի կտրված գլուխների հետ, կարծես դա ձեռքբերում էր...», - գրել է երգչուհին:

Մերաբովան նշել է, որ 1915-ին ամբողջ աշխարհն աչք փակեց և թույլ տվեց, որ թուրքերին այդ հանցանքն իրագործեն, և հիմա պատմությունը կարծես կրկնվում է։

«Բայց թուրքերին դա չի հաջողվի: Ամեն զոհի դիմաց մեր աղջիկները երեքին կծնեն։ Մեր ժողովուրդը երբեք չի հանձնվի: Երբեք: Թող միջազգային հանրությունը ընդունի իմ արհամարհանքը»,–գրել է նա:

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 16-ի ժամը 12:00-ի դրությամբ` հակառակորդի կրակոցների հետևանքով զոհվել են 633 զինծառայողներ և 34 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 5959 զոհ ունի, ավելի քան 5000 վիրավոր։

Ըստ վերջին տվյալների՝ Ադրբեջանի զինված ուժերը կորցրել են 21 ինքնաթիռ, 16 ուղղաթիռ, 181 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 552 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Զոհվել է 2 քաղաքացիական անձ։

«Գրադի» կրակի տակ. ինչպես են տարեց տղամարդիկ ապրում Մարտունու ապաստարաններից մեկում

թեմա:
Ադրբեջանական ագրեսիան Արցախում - 2020 (1458)

Ըստ թեմայի

Կյանքն է պատասխանը. Երևանում արցախցի գեղեցկուհի է ծնվել. լուսանկար
Զոհվել է Արցախի գլխավոր դատախազության ավագ դատախազը
«Մամ ջան, պապ ջան, անպայման վերադառնալու եմ». զինվորների ուղերձը` առաջնագծից
թեգերը:
Մարիամ Մերաբովա, Զոհ, Արցախ, Ղարաբաղյան հակամարտություն, Լեռնային Ղարաբաղ, հայ, Հայաստան, Հայոց ցեղասպանություն, Թուրքիա, Ադրբեջան

Գլխավոր թեմաներ