07:27 27 հոկտեմբերի 2020
Ուղիղ եթեր
  • USD493.24
  • GBP643.48
  • EUR582.42
  • RUB6.45
Արցախ
Ստանալ կարճ հղումը
Ադրբեջանական ագրեսիան Արցախում - 2020 (1656)
532 0 0

Ընդհանուր առմամբ որոշ հատվածներում հումանիտար հրադադարը ուժի մեջ է, բայց կան ուղղություններ, որտեղ հակառակորդը շարունակում է իր նենգ, հայատյաց քաղաքականությունը։

ԵՐԵՎԱՆ, 18 հոկտեմբերի – Sputnik. Արցախի Հանրապետության նախագահի խորհրդական Դավիթ Բաբայանն այսօր հրավիրված մամուլի ասուլիսում հայտարարեց` չնայած հումանիտար հրադադարի հաստատման փորձին, հակառակորդը շարունակելու է որոշ հատվածներում ակտիվ ռազմական գործողություններ իրականացնել։

«Ժամը 00.00–ից մարդասիրական հրադադարի ռեժիմը պետք է մտներ ուժի մեջ։ Ընդհանուր առմամբ որոշ հատվածներում այն ուժի մեջ է, բայց կան ուղղություններ, որտեղ հակառակորդը շարունակում է իր նենգ, հայատյաց քաղաքականությունը և փորձում որոշ հատվածներում ճեղքել Արցախի պաշտպանության բանակի պաշտպանական համակարգը։ Բոլոր նման քայլերը կասեցվում են և հետ մղվում, սակայն իմ կարծիքով` հակառակորդը շարունակելու է որոշ հատվածներում ակտիվ գործողություններ ծավալել»,–ասաց Բաբայանը։

Նրա խոսքով`հիմնական թիրախներից մեկը հանդիսանում է Արաքս գետի վրա կառուցված ջրամբարը, որը հիմնականում բավարարում է հարևան Իրանի Իսլամական Հանրապետության կարիքները։

«Մենք դրա մասին հայտնել ենք մեր տեսակենտը` Ադրբեջանը, Թուրքիան և ահաբեկիչները փորձում են այդ ռազմավարական կարևոր հանգույցը կա՛մ շարքից հանել, կա՛մ վերցնել իրենց վերահսկողության տակ, որպեսզի հետագայում ազդեցիկ լծակ ունենան Իրանի Իսլամական Հանրապետության նկատմամբ, քանի որ այնտեղ մենք ունենք լուրջ էկոլոգիական խնդիրներ։ Սա ևս մեկ անգամ ցույց է տալիս թուք–ադրբեջանական–ահաբեկչական եռամիասնության հեռահար աշխարհաքաղաքական նպատակները»,–շեշտեց Բաբայանը։

Արցախի ՊԲ–ն այսօր առավոտյան հայտնել էր, որ 07:20-ի սահմաններում հրետանային ակտիվ կրակից հետո ադրբեջանական զինուժը հարավային ուղղությամբ անցել է հարձակման: Երկուստեք կան զոհեր ու վիրավորներ: ՀՀ ՊՆ մամուլի խոսնակ Շուշան Ստեփանյանն էլ տեղեկացրել էր, որ հակառակորդը հարձակում է սկսել ձեռնտու դիրքեր գրավելու նպատակով։

Նշենք՝ երեկ ՀՀ արտգործնախարարությունը հայտնել էր, որ Հայաստանի Հանրապետությունը և Ադրբեջանի Հանրապետությունը որոշել են հոկտեմբերի 18-ին, տեղական ժամանակով ժամը 00:00-ից հաստատել մարդասիրական զինադադար։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 17-ի ժամը 18:00-ի դրությամբ` հակառակորդի կրակոցների հետևանքով զոհվել են 633 զինծառայողներ և 34 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6109 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 22 ինքնաթիռ, 16 ուղղաթիռ, 190 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 554 տանկ և ՀՄՄ:

Ղազանչեցոցը 2 անգամ վերականգնած ճարտարապետը վստահեցնում է` եկեղեցին ավերված երկար չի մնա 

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ 

«Գրադի» կրակի տակ. ինչպես են տարեց տղամարդիկ ապրում Մարտունու ապաստարաններից մեկում

 

թեմա:
Ադրբեջանական ագրեսիան Արցախում - 2020 (1656)

Ըստ թեմայի

ՀՀ ԱԳՆ–ն բարձր է գնահատում Մակրոնի ներգրավվածությունը հումանիտար զինադադար կնքելու հարցում
Ադրբեջանական զինուժն անցել է հարձակման, երկուստեք կան զոհեր ու վիրավորներ. ՊԲ
Ադրբեջանը հարձակվել է ձեռնտու դիրքեր գրավելու նպատակով. ՊՆ
թեգերը:
Իրանի Իսլամական Հանրապետություն, Ադրբեջան, Արցախ

Գլխավոր թեմաներ