20:13 28 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Արցախ
Ստանալ կարճ հղումը
Ադրբեջանական ագրեսիան Արցախում - 2020 (2212)
139510

Ադրբեջանական սոցկայքերում հրապարակված տեսանյութերում ու լուսանկարներում տարբեր տեսակի պատերազմական հանցագործություններ են ներկայացվում` գերիների ու դիակների նկատմամբ անմարդկային վերաբերմունք, գլխատման դեպքեր։

ԵՐԵՎԱՆ, 24 հոկտեմբերի - Sputnik. Ադրբեջանական կայքերում վերջին օրերին տարածվող լուսանկարներն ու տեսանյութերը հիմնականում կեղծ չեն, դրանցում ներկայացված են իրական տվյալներ։ Տեղեկությունն այսօր Արցախում հրավիրված մամուլի ասուլիսում հայտնեց Արցախի ՄԻՊ Արտակ Բեգլարյանը` վկայակոչելով ՄԻՊ գրասենյակի կատարած վերլուծությունները։

«Այդ տեսանյութերում ու լուսանկարներում տարբեր տեսակի պատերազմական հանցագործություններ են ներկայացված լինում` գերիների ու դիակների նկատմամբ անմարդկային վերաբերմունքի, գլխատման դեպքեր, նաև ռազմագերիներին հանրային հետաքրքրասիրության առարկա դարձնելու դեպքեր»,– ասաց Բեգլարյանը։

Նա նաև անդրադարձավ նախօրեին հրապարակված հայ ռազմագերիների մասին տեսանյութերին ու նշեց, որ դրանցից ակնհայտ է դառնում, որ Ադրբեջանը հայ ռազմագերիների հանդեպ կիրառում է ֆիզիկական ու հոգեբանական ճնշումներ` նրանց ադրբեջանական քարոզչության թեզերը ներկայացնելու համատեքստում։

«Դա միանշանակ անընդունելի է և խախտում է միջազգային մարդասիրական իրավունքի Ժնևյան կոնվենցիաները։ Այս տեսանկյունից կարևոր է, որ միջազգային հանրությունը պատշաճ ուշադրություն դարձնի այս դեպքերի վրա, որպեսզի կանխարգելի հետագա խախտումներն ու երաշխավորի հայ ռազմագերիների իրավունքների պաշտպանությունն Ադրբեջանում ու դիակների նկատմամբ բացառեն անմարդկային վերաբերմունքի ու օտնձգության դեպքերը»,– ասաց Բեգլարյանը։

Արցախի ՄԻՊ–ն արձանագրեց, որ Ադրբեջանն արդեն երկու անգամ խախտել է մարդասիրական հրադադարի պայմանավորվածությունները ավելորդ խնդիրներից խուսափելու համար։

«Որովհետև ունի բազմաթիվ զոհեր ու չի ցանկանում, որ այդ զոհերը հասնեն իրենց ընտանիքներին, որովհետև վախենում է, որ դա կարող է մեծ ռեզոնանս առաջացնել ադրբեջանական հասարակության մեջ»,– ասաց նա։

Հադրութում հայ գերիներին գնդակահարած հանցագործներից մեկը ոչնչացվել է. Razm.info

Նշենք, որ ներկա պահին պաշտոնապես հաստատված տեղեկությունների ու համացանցում տարածված տեսանյութերի համաձայն` սեպտեմբերի 27-ից սանձազերծված արցախյան պատերազմի ընթացքում Ադրբեջանի կողմից գերեվարվել է ընդհանուր առմամբ 14 գերի, որոնց թվում կան նաև քաղաքացիական անձինք։

Հիշեցնենք` սեպտեմբերի 27-ի վաղ առավոտյան Ադրբեջանը լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։

Հոկտեմբերի 23-ի ժամը 14։30-ի դրությամբ` հակառակորդի կրակոցների հետևանքով զոհվել են 927 զինծառայողներ և 37 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6539 զոհ ունի և բազմաթիվ վիրավորներ։ 

Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 206 անօդաչու սարք, 4 ՏՈՍ-1 «Սոլնցեպեկ» համազարկային կրակի ռեակտիվ համակարգ, 588 տանկ և ՀՄՄ:

Հայը, «սիրիացին» ու բելառուսը. «հին գելերը» մեկնել են առաջնագիծ

Սեպտեմբերի 29–ին և հոկտեմբերի 1–ին ադրբեջանական զինուժը կրակ է բացել նաև Հայաստանի ուղղությամբ։ Մասնավորապես թիրախավորվել են Վարդենիսն ու Մեծ Մասրիկը։ Պատերազմ Արցախում` առանց սեփական զինվորների. ո՞րն է Էրդողանի գերնպատակը

թեմա:
Ադրբեջանական ագրեսիան Արցախում - 2020 (2212)

Ըստ թեմայի

«Ինչպե՞ս սա հասկանանք». Արտակ Բեգլարյանը քննադատել է ՄԱԿ–ին
Հայ ռազմագերիների սպանության տեսանյութն ուսումնասիրվել է. այն իրական է. Բեգլարյան
Արտակ Բեգլարյանը մի քանի խնդրանքով դիմել է հայրենակիցներին
թեգերը:
ռազմագերի, Արտակ Բեգլարյան (Արցախի ՄԻՊ), Զոհ, Ադրբեջան

Գլխավոր թեմաներ