ԵՐԵՎԱՆ, 28 հոկտեմբերի - Sputnik. Կանադայի Սենատի անդամ Լեո Հոսակոսը կոչ է արել երկրի կառավարությանը ճանաչել Արցախի Հանրապետության անկախությունը։ Այդ մասին նշված է Կանադայում Հայաստանի դեսպանատան Facebook-յան էջում։
«Կանադայի սենատը կոչ է անում կառավարությանը՝ դատապարտել թուրք-ադրբեջանական համատեղ ագրեսիան ու ճանաչել Արցախի Հանրապետության անկախությունը, պաշտպանել Թուրքիա ռազմական արտադրանքի արտահանման արգելքը, ճանաչել Արցախի Հանրապետության ինքնորոշման անքակտելի իրավունքը ու էսկալացիայի և Հայաստանի խաղաղ բնակչության դեմ շարունակվող հարձակումների պատճառով ճանաչել Արցախի Հանրապետության անկախությունը»,-հայտարել է սենատորը։
Հոկտեմբերի 27-ի ժամը 13։00-ի դրությամբ` հակառակորդի կրակոցների հետևանքով Արցախում զոհվել են 1009 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6674 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 24 ինքնաթիռ, 16 ուղղաթիռ, 220 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 600 տանկ և ՀՄՄ:
Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին
