ԵՐԵՎԱՆ, 30 հոկտեմբերի – Sputnik. Արցախի մարդու իրավունքների պաշտպան Արտակ Բեգլարյանը տեղեկացնում է, որ Արցախի Ակնաղբյուր գյուղում ադրբեջանական գնդակոծության հետևանքով 60-ամյա մի տղամարդ է զոհվել։
«Ադրբեջանական գնդակոծության հետևանքով Ակնաղբյուրում զոհվել է 60-ամյա Սերգեյ Բալայանը սպանվել է։ Եվս 6 խաղաղ բնակիչ վիրավորվել են»,–Twitter–ի իր էջում գրել է Բեգլարյանը։
Նա հայտնել է նաև, որ Ադրբեջանը շարունակում է միտումնավոր հարձակվել քաղաքացիական շրջանների և բնակչության վրա։
#Breaking!
— Artak Beglaryan (@Artak_Beglaryan) October 30, 2020
As a result of #Azerbaijan shelling, in Aknaghbyur village of #Artsakh/#Karabakh, 60YO Sergey Balayan was killed & 6 other civilians have been wounded.
Azerbaijan continues deliberately/indiscriminately targeting civilian areas & population.#WarCrime #DontBeBlind
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Հոկտեմբերի 30-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 39 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6914 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 25 ինքնաթիռ, 16 ուղղաթիռ, 232 անօդաչու սարք, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ, 649 տանկ և ՀՄՄ:
Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին
