ԵՐԵՎԱՆ, 1 նոյեմբերի - Sputnik. Ադրբեջանի զինված ուժերի ցամաքային պոտենցիալը լրջագույն վնասված է, նրանց հույսը մնացել են վարձկանները։ Այս մասին բրիֆինգի ժամանակ հայտարարեց ՀՀ ՊՆ ներկայացուցիչ Արծրուն Հովհաննիսյանը։
«Որքան էլ Թուրքիան և Ադրբեջանը հերքեն, մենք շատ լավ գիտենք, թե որտեղ և ինչպես են աշխատում այդ վարձկանները։ Մենք այսօր հրապարակել ենք գերեվարված երկրրոդ ահաբեկչի հարցումից տեսանյութեր, և ասեմ, որ այդ մասով դեռ շատ անակնկալներ են լինելու։ Հավելեմ, որ վարձկաններով առաջին գծում կոնկրետ խնդիրների կատարման փորձերը վկայում են այն մասնի, որ Ադրբեջանի ԶՈւ ցամաքային պոտենցիալը լրջագույնս վնասված է։ Նրան հիմնական հույսը մնացել են այս վարձկանները», – ասաց Հովհաննիսյանը։
Նրա խոսքով այսօր Արցախում ոչ մի նշանակալի դիրքային փոփոխություններ տեղի չեն ունեցել, թեև մարտերը շարունակվում են։
Շուշիի մոտ ոչնչացված դիվերսիոն խումբը հատուկ նշանակության ջոկատ էր. ՊԲ
«Այսօր առավոտից թշնամու զորքերը և ահաբեկչական խմբավորումները տարբեր ուղղություններով շարունակել են հարձակվողական գործողությունները, տեղ–տեղ փոքր հարձակումներով, տեղ–տեղ հրետանիով։ Որևէ նշանակալի հաջողությունների չեն հասել», – նշեց ՊՆ ներկայացուցիչը։
Հովհաննիսյանը տեղեկացրեց նաև, որ թշնամին շարունակում է տարբեր ուղղություններով կիրառել արգելված զինամթերք, մասնավորապես` ֆոսֆոր։ Դրա հասցված վնասները արձանագրվում են և շուտով կհրապարակվեն։
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 1-ի ժամը 14։00-ի դրությամբ` հակառակորդի կրակոցների հետևանքով Արցախում զոհվել են 1166 զինծառայողներ և 45 քաղաքացիական անձինք։ Ադրբեջանի կենդանի ուժի վերաբերյալ պաշտոնական տեղեկություններ չկան, սակայն հայկական կողմը հայտնում է, որ հակառակորդը 6997 զոհ ունի և բազմաթիվ վիրավորներ։
Ըստ վերջին տվյալների՝ Ադրբեջանի զինված ուժերը կորցրել են 241 անօդաչու սարք, 16 ուղղաթիռ, 25 ինքնաթիռ, 669 տանկ և ՀՄՄ, 6 ՏՈՍ-1 «Սոլնցեպեկ» համազարկային կրակի ռեակտիվ համակարգ:
Ես չգնամ, էլ ո՞վ գնա. Արցախից եկած մարզիկն ու մարզիչը պատմում են տղաների հերոսության մասին
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին
