ԵՐԵՎԱՆ, 3 նոյեմբերի — Sputnik. Նոյեմբերին հայոց լեռներում ձյուն կտեղա։ Տեղեկությունը հայտնում է ՀՀ շրջակա միջավայրի նախարարության Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը։ Եղանակի հերթական կանխատեսումը, սակայն, Սուրենյանը հասցեագրել է ոչ այնքան ՀՀ քաղաքացիներին, որքան Հայաստանի ու Արցախի դեմ սանձազերծած պատերազմին մասնակցող ահաբեկիչներին։
Ինչպես են հայ կամավորները շփվում գերեվարված սիրիացի վարձկան ահաբեկչի հետ. տեսանյութ
«Սիրիական անապատների տաք կլիմային սովոր ահաբեկիչներին տեսնես տեղյա՞կ են, որ նոյեմբերից հայոց լեռներում ձյուն է տեղում և ջերմաստիճանը կտրուկ նվազում է։ Վստահ եմ, առաջին ցրտերի հետ նրանք բոլորը դառնալու են ոչ մարտունակ և կոտորվելու են»,– facebook-ում գրել է Սուրենյանը։
Հիդրոօդերևութաբանության և մոնիտորինգի կենտրոնի կանխատեսումներով` Հայաստանում ու Արցախում նոյեմբերի 5-ին ու 6-ին սպասվում են տեղումներ։ Նոյեմբերի 7-8–ին բարձրալեռնային շրջաններում գիշերային ժամերին ջերմաստիճանը կնվազի մինչև -1... -3 աստիճան։
Ինչ մեխանիզմով են ահաբեկչական խմբերը հասնում Արցախ. ՀՀ իրավապահների բացահայտումը
