ԵՐԵՎԱՆ, 9 նոյեմբերի - Sputnik. Հայկական ՀՕՊ ուժերն այսօր առավոտյան ադրբեջանական անօդաչու թռչող սարք են ոչնչացրել։ Տեղեկությունը հայտնում է ՀՀ պաշտպանության նախարարության ներկայացուցիչ Արծրուն Հովհաննիսյանը Facebook-ի էջում։
«Վաղ առավոտյան կրկին ադրբեջանական ԱԹՍ է զգետնվել»,-գրել է նա։
Րոպեներ անց Արծրուն Հովհաննիսյանը նոր գրառում է արել. «Ուղղակի վստահեք բանակին, ուրիշ ոչինչ։ Վստահեք ու սպասեք»։
Ըստ վերջին տվյալների՝ Ադրբեջանի զինված ուժերը զրկվել է 265 ԱԹՍ-ից, 16 ուղղաթիռից, 25 ինքնաթիռից, 784 զրահատեխնիկայից, 6 ՏՕՍ-ից, 7660 կենդանի ուժից։
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Նոյեմբերի 9-ի ժամը 10։30-ի դրությամբ` հակառակորդի կրակոցների հետևանքով հայկական կողմից զոհվել են 1221 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։
Ձախողված բլիցկրիգը, կամ Բաքվի ծրագրով վարձկանների մասին աշխարհը չպիտի իմանար
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
Արցախի նկատմամբ կիրառված ֆոսֆորը դիմավորեք Ադրբեջանում, Իրանում ու Թուրքիայում