06:38 27 նոյեմբերի 2020
Ուղիղ եթեր
  • USD508.12
  • GBP678.90
  • EUR604.82
  • RUB6.72
Արցախ
Ստանալ կարճ հղումը
954424

Հայաստանի վարչապետի ու Ռուսաստանի և Ադրբեջանի նախագահների ստորագրած համաձայնությունը բաղկացած է 9 կետից։

ԵՐԵՎԱՆ, 10 նոյեմբերի - Sputnik. Հրապարակվել է Արցախի հարցով հայտարարության տեքստը, որը ստորագրել են Ռուսաստանի նախագահ Վլադիմիր Պուտինը, Ադրբեջանի նախագահ Իլհամ Ալիևն ու Հայաստանի վարչապետ Նիկոլ Փաշինյանը։ Հայտարարությունը ներկայացնում ենք ստորև.

1. Հայտարարվում է ամբողջական կրակի և բոլոր տեսակի մարտական գործողությունների դադարեցում Ղարաբաղյան հակամարտության գոտում, սկսած նոյեմբերի 10-ի ժ. 00.00-ից, ըստ Մոսկվայի ժամանակի։ Ադրբեջանի Հանրապետությունը և Հայաստանի Հանրապետությունը (հետագայում` կողմեր), մնում են իրենց գրաված դիրքերի վրա։

2. Աղդամի շրջանը և տարածքները, որոնք հսկվում են հայկական կողմից Ղազախի շրջանում, վերադարձվում են Ադրբեջանին մինչև նոյեմբերի 20-ը։

3. Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

4. Ռուսական խաղաղապահ զորակազմը տեղակայվում է հայկական ուժերի դուրսբերմանը զուգահեռ։ Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

5. Արդյունավետության և վերահսկողության համար կողմերի միջև պայմանավորվածությունների կատարման համար հաստատվում է կրակի դադարեցման խաղաղարար կենտրոն։

6. Հայաստանը մինչև նոյեմբերի 15-ը Ադրբեջանին է վերադարձնում Քելբաջարը, մինչև դեկտեմբերի մեկը՝ Լաչինի շրջանը, թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ Կողմերի համաձայնությամբ առաջիկա երեք տարում կառուցվելու է նոր ճանապարհ Լաչինով, որը կկապի Ստեփանակերտը Հայաստանի հետ, հետագայում խաղաղապահների՝ այդ ճանապարհը հսկելու տեղակայման համար։

7. Ներքին տեղահանվածները և փախստականները վերադառնում են ԼՂ և հարակից շրջաններ՝ ՄԱԿ Փախստականների հարցերով բարձր հանձնակատարի հսկողության ներքո։

8. Իրականացվում է ռազմագերիների փոխանակություն և մյուս պահվող անձանց փոխանակություն։

9. Ապաարգելափակվում են բոլոր տնտեսական և տրանսպորտային կապերը ռեգիոնում։ Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ Տրանսպորտային այս կապը հսկում է ՌԴ ԱԴԾ սահմանապահ ծառայությունը։ Կողմերի համաձայնությամբ կառուցվելու է տրանսպորտային ուղի՝ Նախիջևանն ու Ադրբեջանի արևմտյան շրջանները իրար կապելու համար։

Ըստ թեմայի

«Ո՞ւր է այդ...». քաղաքացիները ջարդել են դռներն ու մտել ՀՀ կառավարության շենք. տեսանյութ
Ռուսաստանյան դիտակետեր կտեղակայվեն Արցախի առաջնագծի ողջ երկայնքով
Ստեղծված իրավիճակում այլ բան անելու հնարավորություն չկար. Նիկոլ Փաշինյան
թեգերը:
Իլհամ Ալիև, Վլադիմիր Պուտին, Նիկոլ Փաշինյան, Պատերազմ, Արցախ

Գլխավոր թեմաներ