ԵՐԵՎԱՆ, 10 նոյեմբերի - Sputnik. Ռուսաստանի Դաշնության նախագահ Վլադիմիր Պուտնիը հույս ունի, որ Ղարաբաղում երկարաժամկետ խաղաղություն կհաստատվի։ Այս մասին նա խոսել է Շանհայի Համագործակցության կազմակերպության գագաթաժողովի ժամանակ։ Նա նշել է, որ այն, ինչ տեղի է ունենում Ղարաբաղում, իսկապես մեծ ողբերգություն է։
«Մեծ գոհունակությամբ ուզում եմ նշել նկատվող փոխզիջումն ու արյունահեղությունը դադարեցնելու վերաբերյալ ձեռք բերված պայմանավորվածությունները։ Հուսով եմ, որ մեր ձեռնարկած քայլերը կհանգեցնեն երկարաժամկետ խաղաղության հաստատմանը ՝ ի շահ Ադրբեջանի և Հայաստանի ժողովուրդների»,- ասել է ՌԴ նախագահը։
Ավելի վաղ հայտարարվել էր, որ Շանհայի Համագործակցության կազմակերպության անդամ երկրների ղեկավարների մասնակցությամբ գագաթաժողովը տեղի կունենա նոյեմբերի 10-ին՝ առցանց ձևաչափով։
Արցախում կրակի դադարեցումը և ռուս խաղաղապահների տեղակայումը վերջ կդնեն արյունահեղությունը
Ավելի վաղ հայտնի էր դարձել, որ ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։
ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար ծանր, չափազանց ծանր որոշում է կայացրել:
Նա նշել էր, որ Ռուսաստանի և Ադրբեջանի նախագահների հետ ղարաբաղյան պատերազմը ժամը 01.00-ից դադարեցնելու հայտարարություն է ստորագրել, շեշտելով, որ այդ որոշումը կայացրել է ռազմական իրադրության խորը վերլուծության և այդ իրադրությանն ամենալավ տիրապետող մարդկանց գնահատականի արդյունքում, նաև հիմնվելով այն համոզմունքի վրա, որ ստեղծված իրավիճակում սա հնարավոր ամենալավ հանգուցալուծումն է:
Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։
Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում է սկսել արցախա–ադրբեջանական սահմանի ողջ երկայնքով։
Կրակը դադարեցվում է. ինչի տակ են ստորագրել Փաշինյանը, Պուտինն ու Ալիևը
Նոյեմբերի 9-ի ժամը 10։30-ի դրությամբ` հայկական կողմից զոհվել են 1221 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։
Սեպտեմբերի 29–ից սկսած ադրբեջանական զինուժը մերթընդմերթ կրակ է բացում նաև Հայաստանի ուղղությամբ։
«Ո՞ւր է այդ...». քաղաքացիները ջարդել են դռներն ու մտել ՀՀ կառավարության շենք. տեսանյութ
