23:54 29 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Արցախ
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (562)
295 0 0

ՀՀ–ում Ֆրանսիայի դեսպանի խոսքով` իրենց առաջնահերթությունն այն է, որ աջակցեն տուժածներին։ Նախագահ Մակրոնը շեշտում է, որ այս իրավիճակում պետք է ներկայացվի նաև Հայաստանի շահը։

ԵՐԵՎԱՆ, 12 նոյեմբերի– Sputnik. Այսօր Ֆրանսիայի նախագահ Էմանուել Մակրոնը հանդիպում է ունենալու Հայաստանի ներկայացուցչության հետ` ստեղծված իրավիճակը և ստորագրված եռակողմ հայտարարությունը քննարկելու համար։ Տեղեկությունը Ֆրանսիայի դեսպանատան մոտ հավաքված հադրութցիներին հայտնեց Հայաստանի Հանրապետությունում Ֆրանսիայի Հանրապետության արտակարգ և լիազոր դեսպան Ժոնաթան Լաքոտը։

Նշենք, որ հադրութցիները եկել էին Ֆրանսիայի դեսպանին հանձնելու իրենց նամակը, որում նշված է, որ հադրութցին երբեք չի համակերպվի այն բանի հետ, որ Հադրութը պետք է լինի Ադրբեջանի կազմում։

«Ֆրանսիայի դեսպանատունը ձեզ համար միշտ բաց է, այն ինչ կատարվում է այս պահին, լարված իրավիճակ է ստեղծում։ Մենք գիտենք, որ Հադրութն ամենատուժած տարածքներից մեկն է այս հակամարտության ընթացքում, և Հադրութի բնակիչները ևս ամենատանջվածն են։ Գիտենք, որ Հայաստանում իրավիճակը շատ բարդ է և շատ հարցեր կան հայտարարության ստորագրման հետ կապված։ Մենք ևս շատ հարցեր ունենք, քանի որ չենք ստորագրել այդ հայտարարությունը։ Մեր առաջնահերթությունն այն է, որ աջակցենք տուժածներին։ Նախագահ Մակրոնն ասում է, որ այս իրավիճակում պետք է ներկայացվի նաև Հայաստանի շահը»,–ասաց Լաքոտը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1302 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

թեմա:
Իրադրությունը Հայաստանում և Արցախում հայտարարության ստորագրումից հետո (562)

Ըստ թեմայի

«Ինչպես եմ ապրելու առանց նրա». Հադրութում հրետակոծության հետևանքով կին է մահացել
Հադրութում հայ գերիներին գնդակահարած հանցագործներից մեկը ոչնչացվել է. Razm.info
Անմարդկային են կռվում․ հադրութցի Մարո բաբոն սպասում է հաղթանակին ու «հնդկական» երեկոներին
թեգերը:
Էմանուել Մակրոն, Ժոնաթան Լաքոտ, Արցախ, Հադրութ

Գլխավոր թեմաներ