18:17 04 դեկտեմբերի 2020
Ուղիղ եթեր
  • USD511.25
  • GBP689.17
  • EUR622.14
  • RUB6.88
Արցախ
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (624)
206 0 0

Սամվել Բաբայանը նոյեմբերի 10-ին հրաժարվել էր Արցախի Անվտանգության խորհրդի քարտուղարի պաշտոնից։

ԵՐԵՎԱՆ, 12 նոյեմբերի – Sputnik. Արցախի չորս պաշտոնյա հրաժարական են ներկայացրել։ Նրանք բոլորը Սամվել Բաբայանի գլխավորած «Միասնական հայրենիք» կուսակցության անդամներ են։ Հրաժարական են ներկայացրել Արցախի Անվտանգության խորհդի գրասենյակի ղեկավար Գագիկ Նազլուխանյանը, վարչության պետ Անուշ Դոլուխանյանը, արդարադատության նախարար Սիրան Ավետիսյանը, կրթության, գիտության և մշակությի փոխնախարար Դիմա Առստամյանը։

Չորս դիմումներում էլ ասված է, որ հրաժարականի պահանջը պայմանավորված է քաղաքական հայացքներով։

«Այսպիսի որոշումը պայմանավորված է իմ քաղաքական հայացքներով, այն է՝ մեզ վստահության քվեով օժտած ժողովրդին տված խոստումներին հավատարիմ մնալը, մասնագիտական գործունեության ընթացքում բացառապես ազգային գործունեություն ծավալելը, երկրի կայուն զարգացմանը ծառայելը», - գրված է չորս պաշտոնյաների դիմումներում։

Նրանք բոլորը շնորհակալություն են հայտնում Սամվել Բաբայանին՝ համատեղ քաղաքական ուղու և վստահության համար։ Ինքը` Բաբայանը, նոյեմբերի 10-ին հրաժարվել էր Արցախի Անվտանգության խորհդի քարտուղարի պաշտոնից և «Արցախի հերոս» կոչումից։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել Արցախում ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1302 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

թեմա:
Իրադրությունը Հայաստանում և Արցախում հայտարարության ստորագրումից հետո (624)

Ըստ թեմայի

Արցախի 12 600 ք/կմ տարածքից 10 100-ը տրվում է թուրքերին. Հրանտ Բագրատյան
«Մեր զինվորին դավաճանեցին»․ ի՞նչ են մտադիր անել հանրահավաքի եկած արցախցի կանայք
Ադրբեջանն ու Թուրքիան ստիպում են հայերին թողնել իրենց տները, հայրենի հողը Արցախում. Շեր
թեգերը:
Պատերազմ, պաշտոնանկություն, Արցախ, Սամվել Բաբայան

Գլխավոր թեմաներ