20:46 29 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Արցախ
Ստանալ կարճ հղումը
221 0 0

ՀՀ նախագահը մշակույթի և մարզական ոլորտի, ՀԿ-ների ներկայացուցիչների հետ հանդիպման ժամանակ խոսել է այս պահին հանրությանը հուզող մի շարք հարցերի մասին։

ԵՐԵՎԱՆ, 13 նոյեմբերի – Sputnik. ՀՀ վարչապետի, Ռուսաստանի և Ադրբեջանի նախագահների ստորագրած եռակողմ համաձայնագիրը զինադադարի մասին է։ Նման կարծիք է հայտնել ՀՀ նախագահ Արմեն Սարգսյանը` մշակույթի և մարզական ոլորտի, ինչպես նաև՝ հասարակական կազմակերպությունների մի խումբ ներկայացուցիչների հետ հանդիպման ժամանակ։

«Այսօր արդեն ռուս խաղաղապահները տեղում են: Սկսվել է պրոցեսը, որը ստորագրված փաստաթղթով նախատեսված է։ Նշանակո՞ւմ է արդյոք սա, որ ամեն բան վերջացած է: Եթե ինձ եք հարցնում, իհարկե՝ ո՛չ: Չնայած, ճիշտ է, այս փաստաթուղթը չի որոշում Արցախի վերջնական կարգավիճակը»,–ասում է նախագահը։

Նրա խոսքով` նման իրավիճակում մեր առաջին քայլերից մեկը պետք է լինի այս ամենը վերադարձնել Մինսկի խմբի գործընթացին, քանի որ փաստաթղթի ստորագրումն իրենից չի ենթադրում Մինսկի խմբի գործընթաց։ Սարգսյանն ասել է` շատ արագ պետք է ամեն բան անել վերադառնալու Մինսկի գործընթացին՝ Ֆրանսիայի, ԱՄՆ և Ռուսաստանի համանախագահներով և որոնց էլ տրված է մանդատ՝ որոշելու Արցախի վերջնական կարգավիճակը:

Արմեն Սարգսյանն ու Նիկոլ Փաշինյանը քննարկել են երկրում ստեղծված իրավիճակը

Սարգսյանը հիշեցրել է, որ Ֆրանսիայի արտգործնախարարի և նախագահի գրասենյակից արդեն իսկ համապատասխան հայտարարություններ արվել են: Մասնավորապես, Ֆրանսիայի ԱԳ նախարարը խոսել է Լավրովի հետ, ԱՄՆ-ից նույնպես կան ազդակներ` այս ամենը խոսում է այն մասին, որ գործընթացը պետք է վերադառնա Մինսկի խումբ:

Ըստ ՀՀ նախագահի` Ղարաբաղյան հիմնահարցի կարգավորման տեսլականը բանակցություններին վերադառնալն է։ «Բայց սա բավարար չէ: Որպեսզի այդ բանակցությունները հաջողության հասնեն, դրանց հետևում պետք է կանգնած լինեն ուժեղ և հզոր Արցախն ու Հայաստանը, հայ ժողովուրդը»,–ասաց Սարգսյանը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1339 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

 

 

Ըստ թեմայի

ՌԴ-ն ՀՀ-ում դիտարկվում է որպես հակամարտող կողմերի միջև վստահելի միջնորդ. Արմեն Սարգսյան
Արմեն Սարգսյանը մամուլից է իմացել Արցախի վերաբերյալ հայտարարության մասին
Մարդկանց կտրուկ արձագանքը բնական է. Արմեն Սարգսյանը հանդիպել է Սերգեյ Կոպիրկինի հետ
թեգերը:
հանդիպում, Արցախյան պատերազմ, Արմեն Սարգսյան

Գլխավոր թեմաներ