22:20 23 հունվարի 2021
Ուղիղ եթեր
  • USD518.44
  • GBP708.34
  • EUR631.10
  • RUB6.95
Արցախ
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (799)
787 0 0

ԱԺ «Իմ քայլը» խմբակցության անդամ Անդրանիկ Քոչարյանը շեշտում է, որ ստորագրված հայտարարությունը թեև պայմանագիր չէ, բայց փաստաթուղթ է, որի տակ երեք երկրների առաջին դեմքերի ստորագրություն կա։

ԵՐԵՎԱՆ, 13 նոյեմբերի – Sputnik. ԱԺ Պաշտպանության և ազգային անվտանգության հարցերի մշտական հանձնաժողովի նախագահ, իշխող «Իմ քայլը» խմբակցության անդամ Անդրանիկ Քոչարյանը Շուշիի ու այլ տարածքների կորստի հետ չի համակերպվել։ Այս մասին նա հայտնեց այսօր ԱԺ–ում լրագրողների հետ զրույցում։

«Իմ տղայի` Վազգեն Քոչարյանի հրանոթն այն քիչ հրանոթներից մեկն է, որ մինչև վերջին պահը կրակել է, և Արցախում էլ դա գիտեն։ Հիմա այդ մարտերը գնո՞ւմ էին, թե՞ չէ։ Իմ տղան ժամը 00։00-ից հետո ասում է, հայրիկ, այսօր կարողացանք այսքան բան անել, բա հետո՞։ Սա էմոցիոնալ խնդիր է։ Ու այսպես Պաշտպանության բանակի յուրաքանչյուր զինվոր, որոնք իրենց ուսերի վրա տարան այդ ամբողջ բեռը»,– ասաց Քոչարյանը` անդրադառնալով հարցին, թե ինչպես է լինում, որ հայտարարվում է, թե Շուշիում մարտերն ընթանում են, իսկ մեկ–երկու ժամ անց Շուշին հակառակորդին հանձնելու փաստաթուղթ է ստորագրվում։

Քոչարյանը շեշտում է, որ ստորագրված հայտարարությունը պայմանագիր չէ, բայց փաստաթուղթ է, որի տակ երեք երկրների առաջին դեմքերի ստորագրություն կա։

«Մեր անվտանգության կառուցվածքն Արցախում արդեն փոխվեց։ Ռուսական բանակի ներկայությունն Արցախում արդեն կատարված փաստ է։ Իհարկե, լավ կլիներ, որ Քարվաճառի ճանապարհի վերահսկողությունն էլ վերահպահվեր խախաղապահներին։ Բայց կյանքը, ես ենթադրում եմ, ստիպելու է, որ ռուսական զորքն այդպիսի որոշում ընդունի», – ասաց Քոչարյանը` անդրադառնալով Քարվաճառի ճանապարհը կորցնելու փաստին։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1339 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

Զինյալները չեն անհետացել Ղարաբաղյան հակամարտության գոտուց. Զախարովա

թեմա:
Իրադրությունը Հայաստանում և Արցախում հայտարարության ստորագրումից հետո (799)

Ըստ թեմայի

Փաշինյանի ասած «ցավոտ փոխզիջումը» հենց Շուշիին էր. Վիգեն Հակոբյան 
Ստեփանակերտից Շուշի տանող ճանապարհին արդեն անցակետ է տեղադրվել. տեսանյութ
Շուշի-Լիսագոր ավտոճանապարհի հարակից տարածքում անհետ կորել է 42 ոստիկան
թեգերը:
Պատերազմ, Արցախ, Շուշի, Անդրանիկ Քոչարյան

Գլխավոր թեմաներ