12:47 24 նոյեմբերի 2020
Ուղիղ եթեր
  • USD505.32
  • GBP675.56
  • EUR600.12
  • RUB6.66
Արցախ
Ստանալ կարճ հղումը
Խաղաղապահներն Արցախում (57)
462 0 0

Շուշիի շրջանում սկսվել է զոհվածների մարմինների փոխանակման գործընթացը։ Ռուսաստանի գլխավոր շտաբը մշտական կապի մեջ է Հայաստանի և Ադրբեջանի պաշտպանության նախարարությունների հետ։

ԵՐԵՎԱՆ, 14 նոյեմբերի — Sputnik. Ռուսական ռազմական ոստիկանության ստորաբաժանումներն այսօրվանից Ղարաբաղում պարեկային ծառայություն են իրականացնում «Հյուսիս» և «Հարավ» պատասխանատվության գոտիներում: Այդ մասին ճեպազրույցի ժամանակ հայտնել Է Ռուսաստանի պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը, փոխանցում է ՌԻԱ Նովոստին։

«Հրադադարի ռեժիմը պահպանվում է շփման գծի ողջ երկայնքով»,-հայտարարել է Կոնաշենկովը:

Նրա խոսքով` ձեռք բերված պայմանավորվածություններին համապատասխան` ռուս խաղաղապահների աջակցությամբ Շուշիի բնակավայրի շրջանում սկսվել է զոհվածների մարմինների փոխանակման գործընթացը:

Կոնաշենկովն ընդգծել է, որ հնարավոր միջադեպերը կանխելու համար Ռուսաստանը մշտական կապ է պահպանում Հայաստանի և Ադրբեջանի ԶՈւ գլխավոր շտաբների հետ։

Կա զինադադարի փաստաթուղթ, չկա Մինսկի խումբը. Արմեն Սարգսյան

Նրա խոսքով ՝ շարունակվում է ռուսական խաղաղապահների տեղափոխումը Ռուսաստանի ռազմատրանսպորտային ավիացիայի Իլ-76, Ան-124 ինքնաթիռներով: Ի դեպ, այս ընթացքում ռուսաստանյան ինքնաթիռներով իրականացվել է 95 չվերթ։ Միայն վերջին մեկ օրում 22 չվերթ է իրականացվել։

Կոնաշենկովը հավելել է, որ ռուսական խաղաղապահ ուժերի կառավարումն իրականացվում է Ստեփանակերտում տեղակայված հրամանատարական կետից:

Ռուսաստանը մեկ օրում 170 խաղաղապահներով 20 ինքնաթիռ է ուղարկել Ղարաբաղ

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Հայաստանի, Ադրբեջանի և Ռուսաստանի առաջնորդների եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորակազմ ՝ 1960-ական զինծառայողներով,  հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

թեմա:
Խաղաղապահներն Արցախում (57)

Ըստ թեմայի

Ինչպես են ռուս խաղաղապահները դիտակետեր տեղակայում Արցախում. տեսանյութ
Արցախի նախագահն ընդունել է ՌԴ խաղաղապահ զորակազմի հրամանատարին
Ռուսաստանի օդուժի ուղղաթիռներն ուղեկցում են ԼՂ ուղևորվող ռուս խաղաղապահների շարասյանը
թեգերը:
Արցախ, Պատերազմ, խաղաղապահ, Լեռնային Ղարաբաղ

Գլխավոր թեմաներ