ԵՐԵՎԱՆ, 14 նոյեմբերի – Sputnik. Շարունակվում է Արցախում մարտական գործողությունների ընթացքում զոհվածների մարմինների նույնականացման գործընթացը՝ հնարավոր բոլոր ժամանակակից միջոցների օգտագործմամբ: Տեղեկությունը հայտնում է ՀՀ պաշտպանության նախարարության մամուլի ծառայությունը։
«Գործընթացին զուգահեռ՝ մարտական գործողությունների շրջաններում ՌԴ խաղաղապահ զորակազմի և ԿԽՄԿ ներգրավմամբ շարունակաբար իրականացվում են անհայտ կորածների որոնման և հայտնաբերման, մարմինների դուրսբերման և փոխանակման աշխատանքներ»,–նշված է հաղորդահգրության մեջ:
ՊՆ–ից հիշեցնում են, որ գերության մեջ հայտնված կամ գտնվելու վայրն անհայտ զինծառայողների մասին տեղեկություններ կարելի է ստանալ ձևավորված աշխատանքային հանձնաժողովից՝ զանգահարելով 81-35 և +374 12 28-89-80 հեռախոսահամարներով:
Ավելի վաղ հայտնել էինք, որ սկսվել է զոհերի մարմինների փոխանակման գործընթացը։ Շուշիի մերձակայքից զոհերի մարմիններ են դուրս բերվել։
Sputnik Արմենիայի տեղեկություններով` երեկ հայկական կողմը մոտ 30 մարմին է փոխանցել ադրբեջանցիներին, իր հերթին ադրբեջանական կողմը փոխանցել է մոտ 100 մարմին:
Շուշիի մերձակայքից զոհվածների մարմիններ են դուրս բերվել. Արցախի ՄԻՊ
