19:55 27 հունվարի 2021
Ուղիղ եթեր
  • USD518.16
  • GBP711.59
  • EUR628.06
  • RUB6.89
Արցախ
Ստանալ կարճ հղումը
Ադրբեջանական ագրեսիան Արցախում - 2020 (2224)
1721 0 0

Ժամկետային զինվոր-բուժակը հրետակոծության տակից դուրս է բերել զինծառայողներին, հետո ինքն իրեն մի քանի ներարկում է արել, սողեսող անցել է վեց կմ ու փրկվել։

ԵՐԵՎԱՆ, 14 նոյեմբերի - Sputnik. ՀՀ պաշտպանության նախարարության նախկին ներկայացուցիչ Արծրուն Հովհաննիսյանը, ինչպես խոստացել էր, սկսում է արցախյան պատերազմի հերոսական դրվագների ու իրական հերոսների մասին իր պատումների շարքը։ Facebook-ի իր էջում նա պատմել է ժամկետային զինվոր-բուժակ Արտյոմ Արայիկի Բիլյանի մասին։

«Մարտերը սկսել է Մատաղիսում, վիրավորվել է, դեռ վերքերը չապաքինված վերադարձել է շարք: Հետո իր գումարտակի հետ տեղափոխվել է մարտերի այլ ուղղությամբ: Նոր վայրում մարտերի ժամանակ գումարտակը ընկնում է հրետակոծության տակ, շատերը զոհվում են, ոմանք վիրավորվում»,- գրում է Հովհաննիսյանն ու շարունակում ժամկետային զինվոր-բուժակի մասին պատմությունը։

Հովհաննիսյանի խոսքով՝ Արտյոմը գնդակային վիրավորում էր ստացել թշնամու դիպուկահարից։ Սակայն նույնիսկ վիրավոր վիճակում երիտասարդ զինծառայողը շարունակել իր գործն ու անձամբ մոտ քսան զինծառայողի վիրակապել, ապա դուրս հանել հրետակոծության տակից: Վերջում նաև բեկորային վիրավորում է ստանում, բայց միայն բոլորին դուրս բերելուց հետո է փորձում անձամբ դուրս գալ:

«Սողեսող, մի քանի անգամ իրեն սրսկելով՝ անցնում է մոտ վեց կմ և բարեբախտաբար փրկվում»,- եզրափակում է Հովհաննիսյանը։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

Նոյեմբերի 10-ի կեսգիշերին, ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն, ռազմական գործողությունները դադարեցվեցին։ 

Նոյեմբերի 14-ին ՀՀ առողջապահության նախարարությունը հայտնեց, որ դատաբժշկական ծառայությունը փորձաքննել է 2317 զոհված զինծառայողի դիակներ։ Վերջին տվյալներով` քաղաքացիական անձանց շրջանում կա 50 զոհ ու 148 վիրավոր։ 

Ադրբեջանն իր կորուստների վերաբերյալ պաշտոնական տեղեկություններ չի հայտնում, սակայն հայկական կողմի տվյալներով`  Ադրբեջանի ԶՈւ–ն պատերազմի ընթացքում զրկվել է 264 ԱԹՍ-ից, 16 ուղղաթիռից, 25 ինքնաթիռից, 784 զրահատեխնիկայից, 6 ՏՕՍ-ից, 7660 կենդանի ուժից։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

թեմա:
Ադրբեջանական ագրեսիան Արցախում - 2020 (2224)

Ըստ թեմայի

Ավելի քան 20 հազար զինվոր կմնար օղակված վիճակում. Փաշինյանը` տխրահռչակ փաստաթղթի մասին
Արցախում զոհվածների հիշատակին նվիրված երթը Երևանում. հուզիչ կադրեր
Զոհվել է նաև երգահան Դավիթ Ամալյանի որդին
Ո՞ր հեռախոսահամարներով է պետք զանգել գերի ընկած զինծառայողների մասին իմանալու համար
թեգերը:
Արծրուն Հովհաննիսյան, Վիրավոր, Զինվոր, Արցախ

Գլխավոր թեմաներ