23:47 04 դեկտեմբերի 2020
Ուղիղ եթեր
  • USD511.25
  • GBP689.17
  • EUR622.14
  • RUB6.88
Արցախ
Ստանալ կարճ հղումը
959 0 0

Բաքվի վերահսկողության տակ անցնող շրջաններից աշխարհազորայինների դուրս բերումը դանդաղել է, բայց շարունակվում է։

ԵՐԵՎԱՆ, 15 նոյեմբերի - Sputnik. Քարվաճառից (Լեռնային Ղարաբաղի Քելբաջարի շրջան) աշխարհազորայիններին հանելու ժամկետը երկարաձգվել է 10 օրով՝ մինչեւ նոյեմբերի 25-ը, տեղեկացնում է ՌԻԱ Նովոստին՝ հղում անելով Ադրբեջանի նախագահի օգնական Հիքմեթ Գաջիևին։ Վերջինս խոսել է այդ մասին ասուլիսի ժամանակ։

Նրա խոսքով, դժվարությունները կապված են այն բանի հետ, որ այդտեղից Հայաստան տանող մեկ ճանապարհ կա՝ սահմանափակ թողունակությամբ, խանգարում են նաև եղանակային անբարենպաստ պայմանները։ Հայկական կողմից նմանատիպ դիմում հղվել է ռուսական կողմի միջոցով, նշել է Գաջիևը։

Աղդամի ու Լաչինի շրջանները հանձնելու ժամկետները մնացել են նույնը, ինչ նշված է նախագահների եռակողմ հայտարարության մեջ՝ համապատասխանաբար նոյեմբերի 20 ու դեկտեմբերի 1։

Ավելի վաղ ՌԴ խաղաղապահ ուժերի աղբյուրը ՌԻԱ Նովոստիին հայտնել է, որ Բաքվի վերահսկողության տակ անցնող շրջաններից աշխարհազորայինների դուրս բերումը դանդաղել է, բայց շարունակվում է։ Նշվում է, որ դանդաղության պատճառը վատ եղանակն է ու ճանապարհների որոշ, հատկապես լեռնային հատվածների ականազերծման անհրաժեշտությունը։

Քարվաճառից Հայաստան եկող ճանապարհին մեքենաների հերթ է գոյացել. տեսանյութ

«Չնայած ոչ հասարակ իրավիճակին, Լեռնային Ղարաբաղի աշխարհազորայինների դուրս բերումը Աղդամի, Քելբաջարի ու Լաչինի շրջաններից շարունակվում է»,-ասել է աղբյուրը։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Հայտարարության մեջ կետեր կան նաեւ Ադրբեջանին հանձնվող տարածքների մասին։

 

 

Ըստ թեմայի

Ինչ տվեց Արցախի վերաբերյալ եռակողմ հայտարարությունը․ քարտեզ
ՀՀ պաշտպանության նախարարությունն անցնում է եռակողմ համաձայնության դրույթների կատարմանը
Ինչ տեսք ունի Քարվաճառն Ադրբեջանին հանձնելուց 3 օր առաջ. լուսանկարներ
թեգերը:
Արցախյան պատերազմ, աշխարհազոր, Քարվաճառ

Գլխավոր թեմաներ