20:13 29 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Արցախ
Ստանալ կարճ հղումը
Ադրբեջանական ագրեսիան Արցախում - 2020 (2212)
381 0 0

1998թ–ից սկսած բանակցային գործընթացում, ըստ Փաշինյանի, եղել է միայն մեկ` շատ կոնկրետ թեմա. տարածքները պետք է հանձնվեն Ադրբեջանին, և Հայաստանի քաղաքականությունը եղել է միայն մի բան` ժամանակ ձգելը։

ԵՐԵՎԱՆ, 16 նոյեմբերի – Sputnik. Պատերազմից առաջ էլ Հայաստանի առաջ խնդիր է դրվել հանձնել 7 շրջանները` ներառյալ Շուշին։ Այսօր կազմակերպված առցանց մամուլի ասուլիսի ժամանակ ասաց ՀՀ վարչապետ Նիկոլ Փաշինյանը։

«Այդպես է եղել 2016թ.–ից, և 2016թ–ի Ապրիլյան պատերազմը այս պատմության «վերջին զանգն» էր` այն տարբերությամբ, որ այս անգամ արդեն որևէ բանավոր հայտարարությամբ կամ պարտավորությամբ հնարավոր չէր կանգնեցնել պատերազմը»,– ասաց Փաշինյանը։

Նա նաև հայտարարեց, որ 1998թ–ից սկսած բանակցային գործընթացում եղել է միայն մեկ` շատ կոնկրետ թեմա։ «Դա այն է, որ տարածքները պետք է հանձնվեն Ադրբեջանին, և մեր քաղաքականությոսւնը` հայկական կողմի, եղել է միայն մի բան` ժամանակ ձգել»,– ասաց Փաշինյանը` հավելելով, որ 2016թ–ին այդ ձգված լարն արդեն կտրվել էր։

Իր ղեկավարած իշխանության խնդիրը, Փաշինյանի խոսքով, եղել է բանակցային գործընթացը նոր կետի վերադարձնելը, որն իրենց չի հաջողվել։

Այդուհանդերձ, ըստ վարչապետի, 2020թ–ի հուլիսյան դեպքերը ցույց տվեցին, որ Հայաստանը պատրաստ է պատերազմի Ադրբեջանի հետ։ Բայց պատերազմին խառնվեց Թուրքիան ու վարձկանները, և դա դարձավ Հայաստանի պարտության հիմնական պատճառը։

Հիշեցնենք` սեպտեմբերի 27-ի վաղ առավոտյան Ադրբեջանը Թուրքիայի աջակցությամբ լայնածավալ ռազմական հարձակում սկսեց արցախա–ադրբեջանական սահմանի ողջ երկայնքով։

Նոյեմբերի 10-ի կեսգիշերին, ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի ու Ադրբեջանի նախագահ Իլհամ Ալիևի միջև ստորագրված հայտարարության համաձայն, ռազմական գործողությունները դադարեցվեցին։

Նոյեմբերի 15-ի ժամը 12.30-ի տվյալներով՝ Արցախի ՊԲ-ն հրապարակել է 1434 զոհված զինծառայողի անուններ։

Համացացնում շրջանառվում է տեղեկություն, որ հայկական կողմից կա 4750 զոհ ու անհետ կորած։

Ի պատասխան՝ նոյեմբերի 14-ին ՀՀ առողջապահության նախարարությունը հայտնեց, որ դատաբժշկական ծառայությունը փորձաքննել է 2317 զոհված զինծառայողի դիակներ։ Վերջին տվյալներով` քաղաքացիական անձանց շրջանում կա 50 զոհ ու 148 վիրավոր։

Ադրբեջանն իր կորուստների վերաբերյալ պաշտոնական տեղեկություններ չի հայտնում, սակայն հայկական կողմի տվյալներով` Ադրբեջանի ԶՈւ–ն պատերազմի ընթացքում զրկվել է 264 ԱԹՍ-ից, 16 ուղղաթիռից, 25 ինքնաթիռից, 784 զրահատեխնիկայից, 6 ՏՕՍ-ից, 7660 կենդանի ուժից։

Ինչո՞ւ են ադրբեջանցիներն ուրախացել․ ռուսական խաղաղապահների հրամանատարի կենսագրությունը

թեմա:
Ադրբեջանական ագրեսիան Արցախում - 2020 (2212)

Ըստ թեմայի

Տեղի է ունենում բանակցային նոր օրակարգի ձևավորման գործընթաց. Փաշինյան
Խաղաղապահների տեղակայումից հետո Արցախի բանակն ունենալու է նույն կարգավիճակը. Փաշինյան
Ատելության խոսքը պետք է բացառել. Փաշինյանը պնդում է, որ իր գրառման մեջ բռնության կոչ չկա
թեգերը:
Ապրիլյան քառօրյա պատերազմ, Ղարաբաղյան հակամարտություն, Լեռնային Ղարաբաղ, Արցախյան պատերազմ, Արցախ, բանակցություն, Եռակողմ հայտարարություն, Նիկոլ Փաշինյան

Գլխավոր թեմաներ