11:10 30 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Արցախ
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (565)
171 0 0

ԱԺ–ում պատգամավորների հետ հարցուպատասխանի ժամանակ վարչապետն ասաց` ՊԲ–ի հետ որոշել էին` պայքարել այնքան ժամանակ, մինչև պայքարն իմաստ կունենա։

ԵՐԵՎԱՆ, 16 նոյմեբերի – Sputnik. Պատերազմն ավելի շուտ չէր կարող կանգնել ուղղակի։ ԱԺ պատգամավորների հետ հանդիպմանը հայտարարեց ՀՀ վարչապետ Նիկոլ Փաշինյանը` անդրադառնալով շրջանառվող լուրերին, որ եթե պետք է հողերը հանձնեին, ինչո՞ւ շուտ չեն արել դա։ 

«Մեզ մեղադրում են բանակցային գործընթացը ձախողելու և հողեր հանձնելու մեջ։ Այդ քննադատության մեջ էլ ընտրություն չկա։ Ի վերջո, ի՞նչ էին ուզում` պատերազմը կանխարգելվե՞ր, թե հողե՞ր չհանձնվեր»,–ասաց Փաշինյանը։

Նրա խոսքով` հիմա նաև ուրիշ բանի համար են մեղադրում` ինչո՞ւ շուտ չհանձնեց հողերը, որ պատերազմը կանխարգելվեր, ավելի շուտ կանգ առներ։ Փաշինյանը նշեց` պատերազմն ավելի շուտ կարող էր կանգնել այն պայմաններով, ինչ կա հիմա։

Նա ասաց, որ ՊԲ–ի հետ որոշել էին` պայքարել այնքան ժամանակ` մինչև պայքարն իմաստ կունենա, և այդ առումով չի համարում, որ սխալ ընտրություն է կատարել։

Վարչապետը կարծում է, որ իրենց իշխանության 2.5 տարիների ընթացքում արվել է շատ բան, մասնավորապես, ԶՈւ–ում բարեփոխումներ։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

ՀՀ վարչապետ Նիկոլ Փաշինյանը Facebook–ի իր էջում գրել էր, որ անձամբ իր և բոլորի համար չափազանց ծանր որոշում է կայացրել:

Փաշինյանի հայտարարությունից հետո բազմաթիվ մարդիկ շարժվել են դեպի Հանրապետության հրապարակ, մի խումբը ներխուժել է կառավարության գլխավոր մասնաշենք ու վարչապետի աշխատասենյակ, մի մասն էլ շարժվել է դեպի Բաղրամյան պողոտա ու մտել Ազգային ժողովի շենք։ ԱԺ նախագահ Արարատ Միրզոյանը ծեծի է ենթարկվել, նրան տեղափոխել են հիվանդանոց։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1434 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

թեմա:
Իրադրությունը Հայաստանում և Արցախում հայտարարության ստորագրումից հետո (565)

Ըստ թեմայի

Պարգև սրբազանը սրտի կաթված է ստացել
Երևանից Ստեփանակերտ ուղևորափոխադրումները կիրականացվեն «Կիլիկիայից»
«Հիմա ինչ` Ալիևի՞ն դիմենք». անհետ կորածների ծնողներն ուզում են հանդիպել Տոնոյանի հետ
թեգերը:
Եռակողմ հայտարարություն, Ղարաբաղյան հակամարտություն, Լեռնային Ղարաբաղ, Արցախյան պատերազմ, Արցախ, Նիկոլ Փաշինյան

Գլխավոր թեմաներ