18:11 29 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Արցախ
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (556)
199 0 0

Ռուսաստանի արտգործնախարարի տեղակալը մեկնաբանել է Ադրբեջանի նախագահ Իլհամ Ալիևի հայտարարությունն այն մասին, որ Լեռնային Ղարաբաղի հատուկ կարգավիճակի մասին հարցը չի քննարկվելու։

ԵՐԵՎԱՆ, 18 նոյեմբերի - Sputnik․ Լեռնային Ղարաբաղի կարգավիճակի որոշման հարցը զգայուն է հակամարտության կողմերի համար, դրա որոշման ժամկետ չկա։ ՌԻԱ Նովոստիի փոխանցմամբ՝ այսօր լրագրողների հետ զրույցում հայտնել է ՌԴ արտգործնախարարի տեղակալ Անդրեյ Ռուդենկոն։

«Ժամկետ չկա։ Դա բավականին զգայուն հարց է», - ասել է դիվանագետը։

Նա հույս  է հայտնել, որ դա չի հանգեցնի նոր հակամարտությունների, «առավել ևս՝ արյունահեղության»։ Այդ համատեքստում Ռուդենկոն ընդգծել է Մինսկի խմբի զգալի դերակատարությունը։

«Մինսկի խումբը լուծելու է հարցերը, որոնց եռակողմ հայտարարության մեջ անդրադարձ չի արվել», - ասել է Ռուդենկոն, մեկնաբանելով Ադրբեջանի նախագահ Իլհամ Ալիևի հայտարարությունն այն մասին, որ Լեռնային Ղարաբաղի կարգավիճակի հարցը չի քննարկվելու։

Ավելի վաղ Ալիևը Բաքվի վերահսկողության տակ անցած Ֆիզուլի ու Ջաբրայիլ շրջաններ կատարած այցի ժամանակ հայտարարել էր, որ Լեռնային Ղարաբաղի ոչ մի հատուկ կարգավիճակ ընդունելի չէ Ադրբեջանի համար։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորակազմ ՝ 1960-ական զինծառայողներով,  հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

ՌԴ-ն հուսով է` հայաստանյան իրադարձությունները չեն սպառնա Ղարաբաղի հարցով համաձայնությանը

թեմա:
Իրադրությունը Հայաստանում և Արցախում հայտարարության ստորագրումից հետո (556)

Ըստ թեմայի

Ռուսաստանի օդուժի ուղղաթիռներն ուղեկցում են ԼՂ ուղևորվող ռուս խաղաղապահների շարասյանը
Ինչ են մտածում ռուսաստանցիները Ղարաբաղյան պատերազմի մասին. հարցում
Ռուսաստանն ամեն ինչ արել է, որ Հայաստանն իրեն մենակ ու լքված չզգա. Պուտին
թեգերը:
կարգավիճակ, Արցախ, Արտաքին գործերի նախարարություն (ԱԳՆ), Ռուսաստան

Գլխավոր թեմաներ