18:22 04 դեկտեմբերի 2020
Ուղիղ եթեր
  • USD511.25
  • GBP689.17
  • EUR622.14
  • RUB6.88
Արցախ
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (624)
18110

Նիդեռլանդներն առաջարկում է Ադրբեջանի նախագահ Ալիևի, փոխնախագահ Մեհրիբան Ալիևայի, Թուրքիայի նախագահ Ռեջեփ Թայիփ Էրդողանի և Արցախում իրականացված պատերազմական հանցագործությունների համար պատասխանատու այլ պաշտոնյաների նկատմամբ պատժամիջոցներ կիրառել։

ԵՐԵՎԱՆ, 18 նոյեմբերի — Sputnik. Արցախի ԱԳՆ–ն ողջունել է նոյեմբերի 17-ին Նիդեռլանդների խորհրդարանի կողմից ընդունված բանաձևերը։

«Բարձր ենք գնահատում Նիդեռլանդների օրենսդիրների այս համարձակ քայլը, որը վկայում է մարդու հիմնարար իրավունքների ու ազատությունների և արդարության գաղափարներին հավատարմության, ինչպես նաև մարդկության դեմ հանցագործությունների անթույլատրելիության և դրանց կանխարգելման ու դատապարտման շուրջ նրանց վճռական դիրքորոշման մասին»,– ասված է Արցախի ԱԳՆ տարածած հաղորդագրության մեջ։

Արտաքին գերատեսչությունը նաև հույս է հայտնում, որ Նիդեռլանդների խորհրդարանի այս քայլը նախադեպ կհանդիսանա նաև այլ երկրներում նմանատիպ որոշումների ընդունման համար։

Նիդեռլանդների խորհրդարանի ընդունած բանաձևով, հիշեցնենք, խորհրդարանը դիմել է այդ  երկրի կառավարությանը՝ ԵՄ մակարդակում հետամուտ լինելու Ադրբեջանի նախագահ Ալիևի, փոխնախագահ Մեհրիբան Ալիևայի, Թուրքիայի նախագահ Ռեջեփ Թայիփ Էրդողանի և Արցախում իրականացված պատերազմական հանցագործությունների և բռնարարքների համար պատասխանատու այլ պաշտոնյաների նկատմամբ պատժամիջոցներ կիրառելու համար։

Միաժամանակ խորհրդարանը նաև կոչ է արել դադարեցնել ԵՄ անդամ երկրների կողմից Թուրքիային զենքի մատակարարումը՝ Արցախի դեմ ագրեսիայում նրա մեղսակցության պատճառով։

Տեղահանված գյուղացիներին առայժմ տեղավորում են Մարտակերտի մանկապարտեզում և դպրոցում

Արցախի դեմ սեպտեմբերի 27-ին սանձազերծված ագրեսիայի ընթացքում Արցախի արտաքին քաղաքական գերատեսչությունը բազմիցս հանդես է եկել հայտարարություններով, որտեղ կոչ է արել միջազգային հանրությանը որպես Ադրբեջանին զսպելու և պատասխանատվության ենթարկելու միջոց այդ երկրի բարձրագույն ղեկավարության դեմ անհատական բնույթի պատժամիջոցներ կիրառել։ Բայց պատերազմի 44 օրերի ընթացքում Արցախի ձայնը մնաց անպատասխան։

թեմա:
Իրադրությունը Հայաստանում և Արցախում հայտարարության ստորագրումից հետո (624)

Ըստ թեմայի

ԵԱՀԿ ՄԽ համանախագահները Լավրովի հետ քննարկել են հրադադարի մասին եռակողմ հայտարարությունը
Սա խանութս էր, վառում եմ. Մարտակերտի շրջանի բնակիչներն իրերը դուրս բերելու ժամանակ չունեն
«Մենք ցանկություն չունենք իշխանության գալու». Շարմազանովը ներողություն խնդրեց ժողովրդից
թեգերը:
Եվրամիություն, պատժամիջոցներ, Ադրբեջան, Թուրքիա, Նիդեռլանդներ, Արտաքին գործերի նախարարություն (ԱԳՆ), Արցախ

Գլխավոր թեմաներ