13:52 24 նոյեմբերի 2020
Ուղիղ եթեր
  • USD505.32
  • GBP675.56
  • EUR600.12
  • RUB6.66
Արցախ
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (480)
787 0 0

Մովսես Հակոբյանը նշեց` Հայաստանի ղեկավարությունը չի կարող հերքել, որ զենք է ձեռք բերել` չկարդալով Ռուսաստանի կառավարության որոշումը։

ԵՐԵՎԱՆ, 19 նոյեմբերի — Sputnik. 2018-ի սպառազինության գործող պլանը փոխվել է և ձեռք է բերվել ռազմական տեխնիկա, որը չի օգտագործվել այս պատերազմի ժամանակ։ Այսօր հրավիրված ասուլիսի ժամանակ նման հայտարարություն արեց ՀՀ ԶՈւ գլխավոր շտաբի նախկին պետ, գեներալ-գնդապետ Մովսես Հակոբյանը` անդրադառնալով բանակի սպառազինության թեմային։

Նա հայտնեց` 2016-ին սպառազինության, ռազմական տեխնիկայի ձեռքբերման պլան է կազմվել։ Ձեռք են բերվել «Տոռ», «Սմերչ», «Իգլա», նռնականետեր, հրետանային հրթիռներ։ 

«2017-ի պլանի համար 2 դիվիզիոն «Տոռ» պետք է ձեռք բերվեր, և 10 տոկոսը գումարի վճարված էր։ Պլանում նշված էր` գումարը որտեղից պետք է հատկացվեր։ Նաև 1 դիվիզիոն «Սմերչ» պետք է գնեինք, «Իսկանդերի» համակարգը կատարելագործեինք։ Սակայն 2018-ին պլանը փոխեցին ու գնեցին ՍՈւ-30, ԶՕՈւ 23-22, ՕՍԱ-ներ։ Դրանցից քանի՞սն են կրակել այս պատերազմի ժամանակ։ Ոչ մեկը»,–ասաց Հակոբյանը։

Նրա խոսքով` պլանը փոխվել է և ձեռք են բերել այլ զինտեխնիկա, քանի որ չեն պատկերացրել` պատերազմն ինչ է։

Հակոբյանն ասաց` սա հերքել չեն կարող, քանի որ վարչապետի աշխատասենյակում է ինքը հայտարարել, որ պլանի փոփոխության համար պատասխան են տալու։ Ի պատասխան վարչապետն ասել է` արդեն գնել են։

Հակոբյանը նշեց` Հայաստանի ղեկավարությունը չի կարող հերքել, որ զենք է ձեռք բերել` չկարդալով Ռուսաստանի կառավարության որոշումը։ Հարցն այն է, որ ՌԴ կառավարության որոշմամբ արգելված է ՍՈւ–երը երկրորդ երկրի վաճառել` օդ–օդ կրակելու համար, ինչի պատճառով էլ մեր ՍՈւ–երը չեն օգտագործվել պատերազմի ժամանակ։

Նրա խոսքով` Հայաստանն ՕՍԱ է ձեռք բերել` իմանալով, որ դրա հրթիռներ չեն արտադրվում այլևս։ Ըստ Հակոբյանի` արագ–արագ ինչ–որ բաներ են գնել` ասելու համար, որ օդը պաշտպանված է։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Չէր կարելի գրչի մի հարվածով ջուրը գցել թափված արյունը. Մյասնիկյան պողոտան էլ էր փակվել

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Նշենք, որ Թուրքիայի աջակցությամբ Ադրբեջանի սանձազերծած պատերազմի ընթացքում, ըստ վերջին տվյալների, հայկական կողմից զոհվել են 1586 զինծառայողներ։ Քաղաքացիական անձանց շրջանում կա 50 զոհ ու 148 վիրավոր։

ՊՆ–ն հորդորում է վերադարձնել ռազմական նշանակության ապրանքներն ու տեխնիկան

թեմա:
Իրադրությունը Հայաստանում և Արցախում հայտարարության ստորագրումից հետո (480)

Ըստ թեմայի

Թշնամին կիրառել է նաև արգելված և քիմիական զենքի տարրեր պարունակող զինատեսակ. Արցախի ՊՆ
Շուշիի բնակիչները զենքը ձեռքներին պաշտպանում են հայրենիքը. Հովհաննիսյանը՝ մարտերի մասին
Արցախից բերված ապօրինի զենքը կրակելու է. Քոչարյանը մտահոգված է
թեգերը:
Արցախ, Հայաստան, Պատերազմ, Զենք, Մովսես Հակոբյան

Գլխավոր թեմաներ