00:12 30 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Արցախ
Ստանալ կարճ հղումը
296 0 0

Նրանց շարքում կան զինվորականներ և քաղաքացիական անձինք։ Բացի այդ կոմիտեն այցելում է նաև մինչև պատերազմը Ադրբեջանի կողմից գերեվարված անձանց։

ԵՐԵՎԱՆ, 19 նոյեմբերի - Sputnik. Կարմիր Խաչի միջազգային կոմիտեի ներկայացուցիչները շարունակում են այցելել ադրբեջանական կողմում պահվող հայ քաղաքացիներին: Այս մասին Sputnik Արմենիային ասաց Հայաստանում ԿԽՄԿ հայաստանյան գրասենյակի մամուլի պատասխանատու Զառա Ամատունին:

«Հոկտեմբեր-նոյեմբեր ամիսներին մենք շարունակում ենք այցելել Ադրբեջանում պահվող անձանց։ Նրանց թվում կան ինչպես խաղաղ բնակիչներ, այնպես էլ զինվորականներ»,-ասաց Ամատունին:

Նա չի հստակեցրել, թե քանի մարդու մասին է խոսքը, և արդյոք այդ մարդկանց մեջ կան մարդիկ, որոնք գերեվարվել են եռակողմ հայտարարությունից և զինադադարից հետո։ Նշեց միայն, որ կազմակերպությունը կապի մեջ է բոլոր գերիների հարազատների հետ։

Ամատունին նաև նշել է, որ ինքը չի կարող հաստատել` արդյո՞ք ԿԽՄԿ ներկայացուցիչները այցելել են բոլորին, քանի որ կողմերի կողմից տրամադրված ցուցակ չունեն։

Նա բացատրեց, որ միայն ամբողջական ցուցակը թույլ կտա հասկանալ, թե արդյո՞ք Կարմիր խաչը հասցրել է այցելել բոլորին:

Կոմիտեն այցելել է նաև մինչև պատերազմը Ադրբեջանի կողմից գերեվարված անձանց։ Նշենք, որ մինչև սեպտեմբերի 27-ին սկսած պատերազմը Ադրբեջանում պահվում էին հինգ հայ` Նարեկ Սարդարյանը, Կարեն Ղազարյանը, Արայիկ Ղազարյանը, Արսեն Բաղդասարյանը և Գուրգեն Ալավերդյանը։

Ղարաբաղյան հակամարտության կողմերը 200 զոհվածի մարմին են փոխանակել․ ԿԽՄԿ նախագահ

Պատերազմի ընթացքում Ադրբեջանում առնվազն 21 հայ է գերեվարել։ Մեկը` Հադրութի բնակիչ 85-ամյա Եվգենյա Բաբայանը, ԿՄԽԿ միջնորդությամբ վերադարձվել է հայկական կողմին։ Նրա հետ նույն օրը գերեվարված նույն քաղաքի բնակիչ` 84-ամյա Միշա Մելքումյանը մահացել է Բաքվում, Հայաստան տեղափոխվել է նրա դին։

Հույս ունենք՝ անորոշությունից դուրս կգանք. Փաշինյանը՝ դիերի փոխանակման մասին

Ըստ թեմայի

Մոսկվան շահագրգռված է Ղարաբաղում ԿԽՄԿ-ի հետ համագործակցության հարցում․ Լավրով
Բերձորով անցնող Երևան-Ստեփանակերտ ճանապարհը վերագործարկվեց
Հայկական կողմը զոհվածների և անհետ կորածների տեղանշումներով քարտեզ է ներկայացրել ԿԽՄԿ–ին
թեգերը:
ռազմագերի, գերի, Ադրբեջան, Կարմիր խաչ

Գլխավոր թեմաներ