08:36 30 նոյեմբերի 2020
Ուղիղ եթեր
  • USD508.21
  • GBP678.82
  • EUR605.94
  • RUB6.70
Արցախ
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (562)
143 0 0

Ֆրանսիայի նախագահն ասել է, որ ռազմական գործողությունների ավարտը պետք է թույլ տա վերսկսել բանակցությունները Լեռնային Ղարաբաղի բնակչությանը պաշտպանելու համար։

ԵՐԵՎԱՆ, 19 նոյեմբերի - Sputnik. Ֆրանսիայի նախագահ Էմանուել Մակրոնը առանձին տեսակոնֆերանսներ է ունեցել Ադրբեջանի նախագահ Իլհամ Ալիևի և ՀՀ վարչապետ Նիկոլ Փաշինյանի հետ, հաղորդում է Ելիսեյան պալատը:

Մակրոնը քննարկել է կողմերի հետ Լեռնային Ղարաբաղի հարցը։ Նա շեշտել է, որ ԼՂ կրոնական և մշակութային ժառանգությունը պետք է պահպանվի, նշել է, որ պատրաստ է անձամբ միջոցներ ձեռնարկել դրա համար։

Ֆրանսիայի նախագահն ասել է, որ ռազմական գործողությունների ավարտը պետք է թույլ տա վերսկսել բանակցությունները Լեռնային Ղարաբաղի բնակչությանը պաշտպանելու համար։ Մակրոնը նաև ասել է, որ Ֆրանսիան պատրաստ է մարդասիրական օգնություն ցուցաբերել կոնֆլիկտից տուժած մարդկանց։

 

ՀՀ վարչապետի կայքը տեղեկացնում է, որ Մակրոնի հետ զրույցում Փաշինյանը նշել է Արցախի Հանրապետության միջազգային ճանաչման հիմնարար նշանակությունը, ընդգծել է ԵԱՀԿ Մինսկի խմբի համանախագահության աշխատանքների լիարժեք վերականգնման կարևորությունը:

Նշենք, որ այսօր ՌԴ արտգործնախարար Սերգեյ Լավրովն ու Ֆրանսիայի ԱԳ նախարար Ժան Իվ Լը Դրիանը հեռախոսով քննարկել են Ղարաբաղի շուրջ ստեղծված իրավիճակը։

Երկու երկրների արտաքին գերատեսչությունների ղեկավարները կարևորել են եռակողմ հայտարարության դրույթների կատարումը։

Հերթական վանդալիզմն Ադրբեջանի կողմից. պղծվել է Շուշիի Կանաչ ժամը

թեմա:
Իրադրությունը Հայաստանում և Արցախում հայտարարության ստորագրումից հետո (562)

Ըստ թեմայի

Վանդալիզմ Արցախում. ադրբեջանցի զինվորականները պղծել են հայկական խաչքարը
Թշնամու ձեռագիրը. սուրբ Ղազանչեցոցի պատերին գրառումներ են հայտնվել
Մայր աթոռը դատապարտում է Սուրբ Ղազանչեցոցի պղծման փաստը
թեգերը:
մշակույթ, Իլհամ Ալիև, Նիկոլ Փաշինյան, Էմանուել Մակրոն

Գլխավոր թեմաներ