11:10 18 հունվարի 2021
Ուղիղ եթեր
  • USD522.53
  • GBP712.78
  • EUR634.35
  • RUB7.13
Արցախ
Ստանալ կարճ հղումը
Իրադրությունը Հայաստանում և Արցախում հայտարարության ստորագրումից հետո (793)
62 0 0

Ռուս խաղաղապահների աջակցությամբ ավելի քան 11 հազար մարդ է վերադարձել բնակության վայր։

ԵՐԵՎՆ, 23 նոյեմբերի - Sputnik. Մեկ օրում Հայաստանից Լեռնային Ղարաբաղ են վերադարձել 2334 փախստականներ, որոնք ավելի վաղ իրենց տները լքել էին մարտական գործողությունների պատճառով: Տեղեկությունը լրագրողներին է հայտնել Ռուսաստանի պաշտպանության նախարարության պաշտոնական ներկայացուցիչ, գեներալ-մայոր Իգոր Կոնաշենկովը։

«Ռուս խաղաղապահներն ապահովում են փախստականների անվտանգ վերադարձը։ 2020թ. նոյեմբերի 14–ից ի վեր ռուս խաղաղապահների աջակցությամբ Լեռնային Ղարաբաղ է վերադարձել ավելի քան 11 հազար բնակիչ», - ասել է նա։

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն են ընդունել ռազմական գործողությունների դադարեցման վերաբերյալ։

Եռակողմ հայտարարության համաձայն` Լեռնային Ղարաբաղի շփման գծի և Լաչինի միջանցքի երկայնքով տեղակայվում է Ռուսաստանի Դաշնության խաղաղապահ զորակազմ ՝ 1960 զինծառայողներով, հրաձգային զենքով, 90 զրահամեքենաներով, 380 միավոր ավտոմոբիլային և հատուկ տեխնիկայով:

Ռուսաստանի Դաշնության խաղաղապահ զորախումբը տեղակայմանը զուգահեռ դուրս են բերվում հայկական զինված ուժերը։ Ռուսաստանի Դաշնության խաղաղապահ զորակազմը տեղակայվում է 5 տարի ժամկետով` 5 տարվա ժամանակահատվածով ավտոմատ երկարաձգմամբ, եթե կողմերից որևէ մեկը ժամկետի ավարտից 6 ամիս առաջ չհայտարարի այդ դրույթի կիրառումը դադարեցնելու մտադրության մասին:

Ռուս սակրավորներն ականազերծման աշխատանքներ են սկսել Ղարաբաղում. դա կարող է ամիսներ տևել

 

թեմա:
Իրադրությունը Հայաստանում և Արցախում հայտարարության ստորագրումից հետո (793)

Ըստ թեմայի

Հայերը չեն լռում. սփյուռքում բողոքի ակցիաները շարունակվում են. լուսանկարներ
Հրապարակվել են Ադրբեջանում գերության մեջ գտնվող 17 զինծառայողների անունները
Որոնք են Ադրբեջանի վերահսկողության տակ անցած արցախյան 121 հայաբնակ համայնքները
թեգերը:
Փախստական, Լեռնային Ղարաբաղ, Արցախ

Գլխավոր թեմաներ