ԵՐԵՎԱՆ, 3 դեկտեմբերի — Sputnik. Ֆրանսիայի արտգործնախարար Ժան– Իվ լը Դրիանը, նրա ռուս գործընկեր Սերգել Լավրովն ու ԱՄՆ պետքարտուղարի տեղակալ Սթիվեն Բիգանը մտադիր են շարունակել աշխատել ղարաբաղյան հարցի խաղաղ լուծման որոնման աշխատանքները։ Այս հայտարարությունը Լը Դրիանն արել է ԵԱՀԿ նախարարների խորհրդի նիստում, որն անցկացվում է Տիրանայում։
Նա ավելացրել է, որ Ֆրանսիան` որպես ԵԱՀԿ Մինսկի խմբի համանախագահ, ռուս ու ամերիկացի գործընկերների հետ ներգրավված է բանակցությունների գործընթացին՝ խաղաղ ու երկարաժամկետ լուծում գտնելու համար։
«Մենք սատարում ենք ընդհանուր մտադրությունը՝ ԵԱՀԿ մանդատին համապատասխան նման համաձայնության հասնելու նպատակով», - ասել է Լը Դրիանը։
Նշենք՝ Ֆրանսիայի ներկայացուցիչներն արդեն մի քանի անգամ հայտարարել են, որ ԵԱՀԿ Մինսկի խումբը պետք է շարունակի աշխատել Ղարաբաղյան հակամարտության լուծման վրա։
Ղարաբաղյան հակամարտությունը միայն խաղաղ կարգավորում կարող է ունենալ. Պեսկով
