09:17 25 փետրվարի 2021
Ուղիղ եթեր
  • USD526.45
  • GBP745.61
  • EUR640.37
  • RUB7.16
Արցախ
Ստանալ կարճ հղումը
241 0 0

Պատերազմի հետևանքով ամենամեծ թվով ավերածությունները Մարտունու շրջանում ու մայրաքաղաք Ստեփանակերտում են եղել։

ԵՐԵՎԱՆ, 4 դեկտեմբերի - Sputnik. Ռուսաստանի Դաշնության աջակցությամբ Արցախում նախատեսվում է կառուցել մոտ 8000 բնակելի տուն։ «Արցախպրեսի» հաղորդմամբ՝ տեղեկությունը հայտնել է ԱՀ քաղաքաշինության նախարար Արամ Սարգսյանը։ Նախարարի խոսքով՝ դրանք կլինեն արագ կառուցվող տներ՝ հիմնականում 2,3,4 սենյակներով։ Քաղաքաշինության նախարարությունը տարածքային կառավարման և զարգացման նախարարությանն արդեն ներկայացրել է առաջին 1000 տան դիմումները։ Ըստ առաջնահերթությունների՝ կիրականացվի հաշվառում և կներկայացվի ընտանիքների կազմը:

Նոր սահման, նոր խրամատներ. զինծառայողները նոր դիրքեր են կառուցում

Մայրաքաղաք Ստեփանակերտում և հանրապետության մյուս բնակավայրերում պատերազմի հետևանքով կան բազմաթիվ ավերածություններ։ Ընդհանուր առմամբ, վնասվել է շուրջ 2800 օբյեկտ։ ԱՀ քաղշին նախարարի տեղեկություններով՝ մոտ 250-ը վերականգնման ենթակա չեն. դրանց մեծը մասը բնակելի տներ են։ Պատերազմի հետևանքով ամենաշատը տուժել է Մարտունու շրջանը, մասնավորապես՝ Մարտունի քաղաքը, ապա նաև մայրաքաղաք Ստեփանակերտը:

«Քաղաքաշինության նախարարի խոսքով՝ ներկայումս կանգնեցվել են ծրագրային բոլոր օբյեկտների, ճանապարհաշինության և բնակարանաշինության ոլորտների շինարարական աշխատանքները: Այժմ ավերված շինությունների գույքագրման և շինարարական աշխատանքներն ընթանում են զուգահեռ, որպեսզի հնարավորինս սեղմ ժամկետում վնասները վերականգնվեն»,- նշում է գործակալությունը։

Հաշվի առնելով ձմեռային ժամանակաշրջանը, նախարար Սարգսյանն առաջնահերթ է համարում տանիքների և կոտրված պատուհանների վերականգման աշխատանքները։ Նախարարի խոսքով՝ այդ աշխատանքները պետք է ավարտվեն մինչև հունվար:

Հիշեցնենք` նոյեմբերի 9-ին ՌԴ նախագահ Վլադիմիր Պուտինը, ՀՀ վարչապետ Նիկոլ Փաշինյանը և Ադրբեջանի նախագահ Իլհամ Ալիևը համատեղ հայտարարություն ընդունեցին ռազմական գործողությունների դադարեցման վերաբերյալ։

Եռակողմ հայտարարության մեջ մասնավորապես նշվում է, որ մինչև նոյեմբերի 15-ը Ադրբեջանին է վերադարձնում Քելբաջարը (ավելի ուշ այդ ժամկետը 10 օրով երկարաձգվեց-խմբ.), մինչև նոյեմբերի 20-ը՝ Աղդամի շրջանը, մինչև դեկտեմբերի 1-ը՝ Լաչինի շրջանը` թողնելով միջանցք 5 կմ լայնությամբ, որը ապահովելու է Հայաստանի կապը, սակայն չի շոշափելու Շուշին։ 

Հայաստանն ապահովում է տրանսպորտային կապ Ադրբեջանի արևմտյան շրջանների և Նախիջևանի Ինքնավար Հանրապետության միջև։ 

Ինչ տվեց Արցախի վերաբերյալ եռակողմ հայտարարությունը․ քարտեզ

Շփման գծի երկայնքով Լեռնային Ղարաբաղում և Լաչինի միջանցքում հաստատվում են ռուսական խաղաղապահ ուժեր 1960 զինվորականի չափով, հրազենային զենքով, 90 զրահատրանսպորտային և 380 ավտոմեքենաներով և հատուկ տեխնիկայով։

Խաղաղապահները մնում են հինգ տարի ժամանակով` ավտոմատ երկարացման հնարավորությամբ, եթե հաջորդ հինգ տարվա համար կողմերը ժամկետի լրանալուց վեց ամիս առաջ չեն հայտարարում այս դրույթի կիրառությունը դադարեցնելու մասին։

Նշվում է նաև, որ ներքին տեղահանվածները և փախստականները վերադառնում են ԼՂ և հարակից շրջաններ, իրականացվում է ռազմագերիների փոխանակություն և մյուս պահվող անձանց փոխանակություն, ապաարգելափակվում են բոլոր տնտեսական և տրանսպորտային կապերը տարածաշրջանում։

Ըստ թեմայի

Ինչպե՞ս է ապահովվելու որոշ շրջանների բնակիչների վերադարձը. Փաշինյանը դիմել է Լավրովին
«Ավրորան» Արցախի բնակիչներին օգնելու համար 116 600 դոլար կտրամադրի. ինչ խնդիրներ կլուծվեն
«Արցախն Ադրբեջանին է հանձնում ոչ թե 121, այլ 181 բնակավայր». ԱԺ փոխնախագահ
թեգերը:
Լեռնային Ղարաբաղ, բնակարանաշինություն, բնակարան, Ռուսաստան

Գլխավոր թեմաներ