06:14 24 հուլիսի 2021
Ուղիղ եթեր
  • USD483.42
  • GBP664.12
  • EUR568.89
  • RUB6.57
Արցախ
Ստանալ կարճ հղումը
1725 0 0

Քաղաքական գործչի խոսքով՝ այս պահին բանակցություններ են ընթանում նախկին դիրքերը վերականգնելու համար։

ԵՐԵՎԱՆ, 12 դեկտեմբերի - Sputnik. Ադրբեջանական զինուժին հաջողվել է գրավել Հադրութի շրջանի Հին Թաղեր գյուղն ու առաջանալ դեպի Խծաբերդ: Տեղեկությունը Facebook-ի իր էջում հայտնում է Արցախի Ազգային ժողովի ընդդիմադիր «Ազգային վերածնունդ» կուսակցության նախագահ, Արցախի Ազգային ժողովի նախկին պատգամավոր Հայկ Խանումյանը։

«Թշնամին օգտագործել էր հրետանի, մեր կողմից ունենք 6 վիրավոր»,- գրել է Խանումյանը։

Նշենք, որ ժամեր առաջ նա Facebook-ի իր էջում կոչ էր արել հավաքվել Ստեփանակերտի ռուսական ռազմաբազայի մոտ՝ փորձելով հասկանալ ռուսական կողմի դիրքորոշումը Հադրութում կատարվող դեպքերի վերաբերյալ։ Այս առնչությամբ Խանումյանը տեղեկացնում է, որ ռազմաբազայի մոտ բավականին շատ մարդ էր հավաքվել՝ անկախ քաղաքական հայացքներից։
Հավաքվածների հետ զրուցել է ռուսական հրամանատարության տեղակալը, քանի որ զորակազմի հրամանատար գեներալ Մուրադովը Արցախում չէ: Հրամանատարի տեղակալը վստահեցրել է, որ կողմերի հետ պայմանավորվել են վիճակը կայունացնել։

«Մեր զորքերը մնացել են Խծաբերդի դիրքերում, սակայն թշնամին մտել է Խծաբերդ գյուղ: Նշեմ, որ այդ տարածքը պահպանվում էր պաշտպանության բանակի կողմից, և այնտեղ ռուս խաղաղապահների դիրքեր չկային»,- գրել է Խանումյանը։
Նրա խոսքով՝ այժմ բոլոր մակարդակներում բանակցություններ են ընթանում՝ նախկին դիրքերը վերականգնելու համար:

Հիշեցնենք` ժամեր առաջ ՀՀ ՊՆ-ն տեղեկացրեց, որ ադրբեջանական կողմը հարձակողական գործողություններ է սկսել Հադրութի շրջանի երկու գյուղերի՝ Հին թաղերի ու Խծաբերդի ուղղությամբ։ Սրանք այն գյուղերն են, որոնք հայկական ուժերի վերահսկողության տակ են մնացել։ Հադրութի նախկին քաղաքապետ Վահան Սավադյանի խոսքով՝ այս գյուղեր են ժամանել ռուս խաղաղապահները, և փոխհրաձգությունը դադարեցված է։ Հիմա քննություն է ընթանում պարզելու համար, թե որ կողմն է խախտել հրադադարի ռեժիմը։

Ըստ թեմայի

Մեր սահմաններն ամուր են. Գորիսում ադրբեջանական համարներով մեքենաներ չեն շրջում
«Եթե իրավիճակը ստիպի, ՌԴ–ն կընդլայնի իր միջոցները». փորձագետը` Ադրբեջանի հարձակման մասին
Ադրբեջանական հարձակումը պետք է արժանանա ՌԴ խաղաղապահների արձագանքին. Փաշինյանի խոսնակ
թեգերը:
Հայկ Խանումյան, բանակցություն, Հադրութ, Արցախ

Գլխավոր թեմաներ